فرق السن

طبعا مستغربين

اول مرة اكتب موضوع في الركن دا

انا نفسي مستغرب ايه الي جابني هنا

المهم مش هطول عليكم

الموضوع عبارة عن كلمتين

تفتكر يوم ماتيجي تتجوز هتتجوز واحدة من سنك و لا اصغر منك؟

و انت تفتكري لما تيجي تتجوزي هتتجوزي واحد من سنك و لا اكبر منك؟

طبعا انا قصدي بردوا ان فرق السن يبقي في المعقول في حكاية الاصغر و الاكبر دي يعني نقول من 4 ل6 سنين

و طبعا لو حد عايز يعلق علي الفرق الكبير الي هو 10 سنين يقول رأيوا بس مينساش السؤال الاساسي الي هو عن الفرق المعقول

االناس اختلفت في الموضوع دا و سمعت اراء كتييييييير اوي بس يهمني رأيكوا و خصوصا البنات

مش معني كده ان الرجالة ميردوش يردوا بردوا

يالا سمعوني رأيكوا و انا هرد في الاخر

الفرق المعقول سواء اكبر او اصغر 4 سنين

وبرده علي حسب قوة الحب ده يعني 5 ريختر او 7المهم الحب وبعدين الفرق

ana shaif ana 5 kter brdo mif3sh wa7d y7b w7da akbr be 4 snin howa kter 7aga 3

اهو كده هو كان ناقصلك الركن ده
موضوعك جميل جدا ومهم
وعلى فكرة الفرق المعقول بيكون من 2 الى 4 سنين بحد اقصى
وده كله طبعا ممكن يتغير لو فى حب بجد

اما لو فرق السن اكبر من كده
يبقى مينفعش

وعلى اساس انى اول بنت ردت يبقى انا كمان مستنية باقى الردود

يالا ايه النظام معاكو يا بنات

اهلا بيك يزيكو فى ركن الحب .. بص يسيدى انا من رايى

ان كل ما كان فرق السن معقول طبعا كان احسن جدا يعنى

المعقول ده ذى منت قولت اقصاها عندى انا 5 سنين فرق

ولو سته او سبعه تجاوز منى بده ابدا غير كده ........

ولو انى بقى ملاحظه حاجه جامده جدا اليومين دول فى اكتر من زميله ليه اخده ناس اكبر بعشره وانت طالع ....

ولما لومت عليهم على فرق السن الكبير وعلى خطوره الفرق ده عليهم فيما بعد .. قالولى ان من بعد عشره هو ده سن النضوج ...هه فاهمين ان العقل والنضج بالسن وهو ابدا ما بيتقاس بكده .. ياما ناس كبيره وتحس ان تفكيرهم طفولى ..

مستنين مواضيعك القادمه يزوكزوك ..

ياه يازكريا والله فرحت كتير جدااااااا لما لقيتك هنا

بص ياعم الحج اولا لازم يكون السن متقارب ليه اقلك ليه
علشان اولا يكون العقليه متقاربة مجانين زي بعض
لوكان الراجل اكبر بكتير مش هيستحمل دلع الست لو اصغر منه بكتير 10 سنين مثلا
انا بكلمك عن تجارب وامثله واقعية
وخلي بالك برده ان غالبا عقل المرأة بيكون انضج بسرعة فلو كانت هي اكبر في الحاله ديه
برده ممكن يكون فيه فجوة عقليه
بس ايه المانع من كدة انك تتجوز واحدة اكبر منك وايه المانع انك تتجوزي واحد اكبر منك
بس خير الامور الوسط

الموضوع مهم طبعآ

هوه مبدأيآ
أن فرق السن ميزدش عن 5سنين
يعنى أكتر من كده الموضوع مرفوض
ثانيآ
أن يكون فيه قبول وتفاهم ماهو ممكن يبقى اكبر منى 3 سنين بس ومفيش تفاهم بينا وبتحصل كتير
أهم حاجه فى الموضوع ده أن يكون فيه حب بينا
أدى بأه أكبر منى بكام سنه المهم الحب يكون موجود
وبعدين مينفعش أطلاقآ أنننا نحط شروط قبل مانحب يمكن تحب حد أدك هتقول لأ لازم يكون أكبر منى علشان التجارب بتقول كده

بص الفرق كبير صغير فدي من وجهه نظري ليست المشكله المشكله فعلا في التفاهم

والحب فرسول الله حب السيدة خديجه وهي اكبر منه ب20 سنه وعلي العكس رسول الله
علي رغم كبر سنه تزوج السيده عائشه وهي اصغر منه ولا احد يستطيع ينكر نجاح الزواجين .
ومتقولش ده كان ايام الرسول والزمن اتغير علي العكس الموضوع كله يتوقف علي الرضا
والتفاهم.

ردا علي ايمان بس

دا كان الرسول (ص)

مش الزمن

مشكلتنا الحقيقيه اننا دايما نقول ده ايام الرسول.

انا اعرف شخص تزوج سيده اكبر منه وهو احد اقربائي وهو سعيد جدا في زواجه.
فانا من راي المهم رضا الطرفين مادام كل منهم متاكد من سعادته مع الطرف الاخر ففرق السن ده اخر شي يفكروا فيه ولا اقولك ميفكروش فيه اساسا