اريد اهتماما بالغا فى الرد على خطابى ..عاوزه علاج ؟ حل يبشر

اريد من القارئ وضع نفسه مكان هذا الشخص المريض بهذه الصفات :

************

بجد موضوع انهارده ده تساؤل : تعمل ايه فى نفسك انت لو حسيت انك بتظلم بيها شخص بيحبك اوى ؟؟؟
اذا حسيت انك بدات تزيد عندك معدلات الحب والغيره والتملك لدرجه ان
الانسان اللى بيحبك اوى ده بس المعدلات دى عنده طبيعيه بدا يتخنق
حتى لو مش بيقولك ده .. بس انت حاسه ......
يعنى مثلا : يكون نفسه اوى فى حاجه معينه انه يخرج مع اصحابه .. او يشاهد حاجه بيحبها اوى .. او او.....
وانت عشان بتحبه اوى ونفسك يكون انت اللى معاه مش صحابه .. او ان نفسك يقعد معاك انت بدلا من اللى عاوز يشوفه . بترفض ده حتى لو داخليا ولمجرد انه يقول كده انت بيثور جواك بركان ومش بينطفى ابدا الا بموافقته للى
انت عاوزه .. واذا ده محصلش بيحصل عندك انت احباط وبتحس انه مش مقدرك او بيفضل اى شئ اخر عليك ..
مين اللى غلطان ؟؟؟؟؟؟؟اذا كنت انا او انتى ؟؟ فيكى النقاط دى :
تملك وغبرة وحب جنونى : ووصلنى فعلا للدرجه دى مع اللى بتحبيه
ايه علاجهم ايه هو علاجهم ؟؟؟؟؟؟؟وخلى بالك انتى بتعالجيهم عشان
تحافظى على حبك عالشخص الطبيعى الغير مسئول عن كونك معدلاتك غير
طبيعيه .. ومافوره اوى .......
على فكره محدش ارجوكوا يستهتر بالموضوع ده واللى يرد ميلومنيش بس يقول حلول بجد .. بجد الموضوع ده مشكله كبيره جدااااااااااااااااااااااااااااا .. عند بنات كتير وبيؤدى اذا استمر للفشل .. وعاوزه حل ...............؟؟؟

الموضوع حلو قوي يابيرو
وفعلا بقي منتشر جدا وخاصه عند الشباب
بس هقولك حاجه مش دايما الموضوع ده بينتهي بالفشل
لان في سعات اشخاص بتحب هذا الوضع او ممكن تتقبله علشان حبها للطرف التانيه
او سعات بيكون الطرفين فيهم نفس الحكايه
بس لو طرف بس عنده الموضوع ده زايد والطرف التاني مش بيحب الاسلوب ده
يمكن فعلا ينتهي الموضوع بالفشل والانفصال
وعلشان يتحل الموضوع ده من وجهه نظري
لازم يكون في حوار صريح من الطرفين حتي يسوعب الطرف الاخر اللي عنده المشكله ديه
ان الموضوع ده بيخنق الطرف التاني وسعتها لازم يحاول يقلل هذا الموضوع
اما لو كان مش ممكن يتغير يبقي الانفصال احسن وخاصه لو الطرف التاني ميقدرش يستحمل
وانا بقول ان اكيد كل شخصيه لما بتيجي ترتبط بتشوف ايه عيوب الطرف التاني
ولو في عيب مش متقبلينه نهائي يبقي مفرض نحاول نغيره قبل الارتباط ولو منفعش
يبقي بلاش ارتباط بهذا الشخص
ولو انا مكان هذا الشخص المريض
اكيد هحاول قلل الموضوع ده بالتدريج علشان اللي بحبه وخاصه لو بيتخنق من الاسلوب ده

مرسى يهدى خالص عالنصيحه بس برده يجماعه بطلب منكم اجابه ازاى الطرف المريض بهذه الصفات يتغير جذريا ويشفى منها حتى لو بالتدريج علاج علاج ؟؟؟؟؟؟؟؟؟؟؟؟محدش يقول يقلل منها ويسكت يقلل ازاى ؟؟؟؟؟

هقولك اذاي
اول حاجه ميحولش يرفض دايما كل خروجات الطرف التاني
او انه هيعض مع اصحابه
وتاني حاجه ميحولش انه يبين دايما للطرف التاني انه مخنوق من خروجه مع اصحابه
واهم حاجه انا شايفه ان هي ممكن تحل هذه المشكله
بس للاسف مش كتير بيعرف يعملها وكمان مش كتير بيرضي بيها
ويمكن حاجه تكون خياليه شويه
المهم هي ان كل طرف يعرف الطرف الاخر علي اصحابه
ويحاول يقربهم من بعض علي قد ما يقدر (وده طبعا بمساعده الطرف الاخر )
وسعتها مش هيبقي في مشكله ان كلهم يبقي مع بعض
وسعتها نكون وفقنا بين الاصحاب والحبيب
وكمان اهم حاجه رضينا نفسنا والاخرين
انا مش عارفه انتي مستوعبه اللي انا بقوله ولا لاء
مثلا
انا من امنياتي وطبعا عارفه ان الكل هيقول عليه خياليه شويه بس خلينا نتخيل
يمكن يتحقق في يوم من الايام
ان لما اتجوز احاول اعمل علاقه بين زوجي وبين ازواج اصحابي
علشان لما نكون انا واصحابي عايزين نتقابل ةنقضي يوم مع بعض يبقي هما معندهمش
اي مشكله لانه في علاقه بينهم اكيد ممكن متكنش قويه بس علي الاقل في تعامل
ولو هتقولي يابيرو ان سعات بنكون عايزين نتجمع كبنات بس
هتبقي مره واكيد سعتها مش هتبقي مشكله قوي لانها مره

مرسى يهدى اخدت من كلامك نقطه لفتت انتباهى لحاجه مهمه ومرسى خالص على اهتماك فى الرد ..

بصى يابيرو والله لسه شايفه الموضوع ومش تستعجلى على رد الناس أصبرى

أنا فعلآ بشوف ناس كتير بتقبل الوضع ده وممكن تتأقلم معاه
بس مش لازم الموضوع يزيد عن حده علشان الدنيا كلها مش تبوظ
وأنا مع هدى أن ممكن نحاول نقرب من صحابه وتعرفيهم أكتر
بس معظم الرجاله ميحبوش لما يخرجوا مع صحابهم يخدو معاهم حد ولا من أهلهم ولا حبيبته
هوه عايز يريح دماغه مع صحابه
لازم هيه تتقبل الوضع بصدر رحم لازم تحاول تبقى أهدى من كده
لازم تحاول هيه اللى تسيطر على مشاعرها مش مشاعرها هيه اللى تفرض نفسها عليها
وبعدين تسيبه يروح فكل حته زى ماهوه عايز
المهم

أنه يرجعلها فى الأخر

الموضوع مش موضوع صحاب وبس يعنى .. سيبكوا من النقطه دى فكروا فى علاج دوول :التملك الغيره . مرسى يكوكى ..

يااااااااااااااااه للدرجادي يعبير

ردي قريبا

على فكرة انا عندى نفس الشكلة وحاسس بيها

رغم انى مش مرتبط

مالك حيرانه يا ضوء القمر ده المفروض انت اللى تنورى لنا طريقنا بس تسمحيلى ول للحظه احاول اكون مكانه وافكر معاك فى حل

مشكلة الغيرة مشكله قاتلة بس لو كانت غيرة بس اما حب التملك فهو شى من الانانية
علاجها صعب شوية بس محتاج من الولد نوع من الصلابه يعنى بجد وبدون مبالغة لازم
اللى بتغير قوى ديه تتحط تحت ضغط يعنى لو هو خارج مع اصحابه وهى مش موافقة
ومعلش فى اللفظ بتقعد تزن لحد ما يسبهم ويقعد معاهم هنا هو لازم مرة يقعد معاها
والتانية لا ولما يقعد معاها ما يعبرهاش بكل معانى الكلمة يعنى يكرهها فى انه لبى طلبها والمرة التانية يسيبها ويقعد مع اصحابه
طيب يا ترى لو منفعش الحل ده يبقى قدامه حل واحد بس يخيرها ما بين العقل وعدم الغيرة وحب التملك او انه يسيبها وهنا ده العلاج الاقوى لان هى بتحاول تتملكه او هو اللى بيحاول عشان حبيبه ما يضعش منه لما يلاقى ان الغيرة وحب التملك هيخليه يفقد حبيبه ممكن يعقل
يعنى التهديد بالرحيل وبينى وبينك انا لو ولد وحبيبتى حبت تتملكنى مش هديها الفرصة
هقومها واعالجها وصديقينى انا كنت مع حبيبتى اكتر من اصحاب وكنت معرفها ان انا
اعرف بنات واسمائهم كذا وكذا وهى تقبلت الوضع
كان عندى الصراحة المطلقة حل للمشكلة اللى اسمها الغيرة
اما التملك بجد حله هو التهديد بالرحيل وانا شفت ده مع اعز اصحابى والله كانت خطيبته
بتكرهنى لانى صحبو الانتيم بس هو كان دايما يقولها انت وخدانى باصحابى هما جم قبلك لو انا بعتهم انهارده يبقى بكرة ابعيك انت كمان وكانت دايما تعيط كل ما يكلمها تعيط عشان ما يروحش ولا يجى بس هو استحملها لحد مبجد بقت من جواها عقلة
وقالت لى با لحرف الواحد كنت غبية وهضيعه من ايدى عشان كام ساعة بيشوفكم فيها رغم انه معايا طول الوقت
ويا ريت كلنا نشيل من جوانا الانانية وحب التملك بجد احساس بيموت