قـصــــاقـيـص .. بوووووكي (6)

القصاصة الاولى :

مبارك :
" لن نسمح بوصول اي قوى غير ديمقراطية للحكم "

بووكي:
ولا الديموقراطية وحياتك .
_______________________________

القصاصة التانية :

" بالاجماع حسني مبارك رئيسا للحزب الوطني الديمقراطي في انتخابات الحزب "
بوووكي :
مخدناش اجازة ليه ؟

ــــــــــــــــــــــــــــــــــــــــــــــــــــــــــــــــــــــــــــــــــــــ

القصاصة التالته :

نيويورك تايمز : " صادرات كوريا وتايوان في 3 ايام تعادل صادرات مصر في عام كامل "
بوووكي :
يالله خلي الغلابة تسترزق ..

_________________________________
القصاصة الرابعة :

فاينانشال تايمز :" القاهرة من اكثر المدن فوضوية على سطح الارض .. وسكانها يعانون التلوث وعدم التخطيط "
بوووكي :
هئ هئ هئ هئ هئ شفت .. والنبي تقولهم

________________________________
القصاصة الخامسة :

ريتشارد دوني (السفير الامريكي) :
" افكر ان استقر في طنطا بعد تقاعدي لاظل بجانب مولد السيدي البدوي والطرق الصوفيه"
بوووكي:
حااااااااايييييييييييييييي .. الله حي ..
_______________________________
القصاصة السادسة :

احمد عز بيتجوز يا جداعااااااااااااااان
والعروسة شاهيناز النجار يااااااااااا بشر

مملكة جمال الكونجرس المصري + ملك الحديد والصلب = سوليتير بمليون جنيه ومهر 25 مليون جنيه و خروج شاهيناز من مجلس الشعب في الدورة المقبله ..

بوووكي :
انا اكتر حاجة شدتني هي خروجها من مجلس الشعب .. يتهيالي علشان تفضى للعيال .. بلا شغل بلا هم تقيل .. يعني هم اللي اشتغلوا خدوا ايه ... حصانه ؟؟؟

والله والله هيقبضوا عليك

يعليناوانا هعترف مع اول قلم

مراقب عدد الرسائل : 1818 تاريخ التسجيل : 04/08/2007

جامدين جداااااااااااا
بس انا كان نفسي اسمع اغنييه اخترناه اخترناه
علشان يبقي كملت
وبعدين احمد عز اتجوز يا عيني معلش بقي

اه شفتي ..

اتجوز قبل كده 3 مرات وانتي صحيتي في الرابعة ..

عاااااااااااااادي يابنتي .. الغاوي ينقط بطاقيته

الغاوي ينقط بطاقيتة

لما نشوف اية اللي هيحصل كمان

و الله فرحتلهم

بس هي تستاهل
قصدي هو يستاهل

امال عايز شاهيناز النجار تتجوز مين
يووووووووه اقصد عايز احمد عز يتجوز مين

يلا مبروووووك الطيور على أشكالها تقع

هو مليون جنية سلوتير

و25 مليون جنية مهر
يعنى7428.5 طن حديد
والله مهرها وشبكتها رخيصة كام مليم
امال سابو ايه للغلابة الى زينة

سابلنا العيش اللى مليان مسامير

والبطاله

وعدم القدره على الجواز لان المصاريف كتير

لان كل واحده هتقول لخطبها

لازم تجبلى شبكه زى شهيناز

وتدفعلى مهر قد بتاع شهيناز

هى احسن منى ولا ايه

وبكده تكون البلد خربت

يا شيخ ده شيييييييييييييييييييييئ يفرس

بجد تحفه يا بوكى مرسيى ليك كتييييييييييييييييييييييييييييييييييييييييير

هههههههه والله العظيم

سيده مرموقه المكانه تضحى بالمجلس من اجل تربيه الاولاد ..ومهام الزواج .

or=navy]]كلام تاف من حكومه تافهه واستخفاف بعقل الشعب التعبان فى سعيه لاكل العيش[/size]

جميل اوي يا عمرو
بس اللي عذبني القصقوصه دي:
ريتشارد دوني (السفير الامريكي) :
" افكر ان استقر في طنطا بعد تقاعدي لاظل بجانب مولد السيدي البدوي والطرق الصوفيه"

يمهل ولا يهمل بجد

ضوء القمر كتب:: هههههههه والله العظيم

سيده مرموقه المكانه تضحى بالمجلس من اجل تربيه الاولاد ..ومهام الزواج .

مش مهام الزواج و تربية الاولاد يا بيرو

من اجل 25 مليون جنيه

ههههههههههههه

ارزاق