توقعاتك..........

الايام عدت بسرعه اوى

وكلنا لسه فاكرين بدايه 2007

دلوقتى احنا يعتبر بقينا فى 2008

يا ترى السنه اللى فاتت هتبقا زى السنه دى

ولا هتختلف توقعاتك.......... 016

طيب عايزين بقى توقعاتكم للسنه الجديده

سواء توقعات شخصيه

او سياسيه

او اقتصاديه

تتوقعوا ايه اللى هيحصل؟ توقعاتك.......... 016

مراقب عدد الرسائل : 1818 تاريخ التسجيل : 04/08/2007

فكرتيني بالفيلم بتاع لبن بورفملي هههههههه
بس موضوع حلو يا هدي
بصي انا متفأله جدا علي الرغم لو كنتي سالتي امبارح
كنت اديت لك شويه كآبه
بس ان شاء الله كله هيكون كويس علي المستوي
السياسي
والاقتصادي
والشخصي

ان شاء الله كله يبقي كويس

بس احنا عايزينك تقولنا توقعاتك ايه
يعني 1-2-3 ............وهكذا
انا مستنيه توقعاتك يايمي

في حاجات هتفضل زي ما هي

يعني مثلا انا علي المستوي الشخصي السنة دي انا في سنة رابعة السنة الجاية هبقي في سنة 5ان شاء الله معنديش فرق

الاقتصاد من السنة اليفاتت للسنة دي الحاجة غليت بردو من السنة دي للسنة الجاية الحاجة هتغلي اكتر و اكتر

سياسيا حسني مبارك رئيس الجمهورية السنة دي و السنة الجاية بردو مش هيتغير الا لو ربنا افتكره دي حاجة تانية

امريكا في العراق و اسرائيل في فلسطين السنة دي و الي جاية و الي بعدها

يعني مفيش فايدة

و النبي بقي حد متفائل شوية يرد و يديني امل

بصي انا مش متشائم و الله بس دا الواقع للاسف

عاوز مين يااحمد يتفاءل فى الحياة السياسية والاقتصادية كل فى التدهورررر
معتقدتش اقول ان الحياة فى السنة الجاية اللموراد هتقل الثمن وهتبقى متساوية مع المرتبات
دى الاقتصادية اما السياسة معرفش بس اكيد يبقى الحال كما هو علية
ااما الشخصيا السنة دى فى الجامعة والسنة الجاية بردوا فى الجامعة
بس مفتكرش ان فى حاجة جديدة كله فى روتين

دا لسه قمة التشاؤم هنشوفها مع رد صاحب نظرية الكباية الي كلها فاضية الي مفهاش نص مليان خالص مستني رده (عارف نفسك طبعا)

مراقب عدد الرسائل : 1818 تاريخ التسجيل : 04/08/2007

ههههههههههههه لا مش عارفين هو مين
بس انا قلتلكم قبل كده متقلقوش الست نانسي عجرم
قامت بالدعاء لمصر فخلاص ان شاء الله خير

هههههههههههههه

قصدكم مين ؟؟؟
مش عارف .. بس يتهيالي ممكن اقول رايي ..

1 .. تغيير وزير العدل بشكل دراماتيكي بسبب تخلفه العقلي.
2 .. فوز هيلاري كلينتون او اوباما في الانتخابات الامريكيه
3 .. عدم صعود مصر لكاس العالم .
4 .. تغيير مجلس ادارة شركة غزل المحلة
5 .. ارتفاع اسعار الكهربا والتليفون
6 .. بيع بنك مصري جديد وغالبا حيكون بنك القاهره .
7 .. فوز فريق جمال مبارك بالدورة الرمضانية العام القادم لثاني مرة
8 .. ارتفاع اسعار الدواء
9 .. اتجاه لتقسيم السودان
10 .. صعود الاهلي لنهائي بطولة افريقيا .
11 .. تغيير يحيى الكومي
12 .. ارتفاع اسعار السلع الاساسية .. الشاي والزيت
13 .. ارتفاع اسعار الخبز لعدم وجود احتياطي من الدقيق
14 .. بداية ثورة للجياع
15 .. وفاة البابا شنوده .. على الرغم من ان الشخصية دي بجد انا معجب بيها .
16 .. تدهور الحالة الصحية لحسني مبارك بس حيموت السنه اللي بعدها ههههههه
17 .. ضربة امريكية لايران ,, وبداية لحرب عالمية ثالثه ..
18 .. فوز المانيا او ايطاليا بكاس الامم الاوروبيه .
19 .. فوز البارسا ببطولة الاندية الاوروبيه
20 .. احمد نظيف حيقصر 14 سنتيمتر
21 .. شريط محمد منير الجديد حيكون جامد

هههههههههههههه
هههههههههههههههههه

وعلى المستوى الشخصي ..
يمكن اتعلم سواقة ويمكن اجيب عربية .. يمكن اتعلم لغة جديده وغالبا حتكون اسباني
يمكن اسافر مكان لمدة 4 ايام .. وبفكر يكون تونس او سوريا .

يخرب عقلك ياعمرو

دة انت عارف اللى فيها
انا بقى حاسه السنة دى زى اللى بعدها
بحلوها ومرها
واتمنى التانيه تكون احسن
عن حياتى هبقى فى تانية

لا تصدق كنت متوقع تشاؤم عن كده

بس في حاجة بقي اسمعها مني

التفاؤل الوحيد الي في الموضوع مش هيحصل

مفيش نهائي افريقيا

للاسف توقعاتي بدات تتحقق بس بدري شوية ..

مبدئيا ..
____________________
خبر:
تسلمت الصيدليات في أنحاء الجمهورية صورة من قرار الدكتور حاتم الجبلي،
وزير الصحة، برفع أسعار ٣٠ صنفا من الأدوية التي تخضع للتسعيرة الجبرية،
ونص القرار علي ضرورة تطبيق الأسعار الجديدة اعتبارا من أمس الأول الخميس.شمل
قرار الوزير،
زيادة سعر عقار «كلينيل» بخاخ الذي يستخدم لعلاج الأزمات الصدرية من ٩ إلي
١٦ جنيها ، كما شمل
القرار عقار «أوجمنتين» ليصل سعره إلي ٥٨ جنيها، كما ارتفع سعر عقار
«دوكسيل» من ١٥ إلي ٤٠ جنيها.
________________________

واسمحولي يا جماعة انا حثبت الموضوع .. علشان اوافبكم باخر التوقعات اللي حتتحقق

ياعينى على توقعاتك ارحمنا
يارب متتحقق منها حاجة تانى كفاية الادوية

تاني حاجة ...

قررت الجمعية العمومية لشركة مصر المحلة للغزل والنسيج بالإجماع عزل
المهندس محمود الجبالي رئيس مجلس إدارة الشركة وجميع أعضاء مجلس الإدارة

‏ ‏وأعلن
المهندس محسن الجيلاني عن تكليف المهندس فؤاد عبدالعليم حسان رئيس شركة
دمياط للغزل والنسيج بالقيام بأعمال رئيس شركة المحلة لمدة ثلاثة أشهر‏

إلي حين تشكيل مجلس إدارة جديد للشركة‏ وتكليف السيدة هدي العراقي مديرة
المصانع بشركة دمياط للغزل للقيام بأعمال العضو المنتدب لشركة دمياط‏.

ربنا يستر ..
التوقعات بدأت تتحقق قبل السنه الجديده
وشكل كده احمد نظيف حيقصر فعلا ..

امال ايه الى هيحصل لما السنة الجديدة تتدخل
ربناااااااااااااااااااا يسترررررررررررررررر

تفائلووووووووووووووووووووووووو خيرااااااااااااااااااا

ما خفى كان اعظم

بشرنا بشرنا

يا بووووووووووووووووكى

حاضر يانانا هنحاول نتفائل

بعد توقعات بوكي

بس ايه توقعاتك انتي ؟؟؟؟؟؟؟؟؟؟؟

كمان بنك القاهرة اتباع(انت شكلك مظبط مع حد من اياهم)

بركاتك

بصوا بقى ..

تم تغيير يحيى الكومي
وارتفعت اسعار السلع الاساسية .. المكرونة و الارز و الزيييييت
وارتفعت اسعار الخبز

وانتظروني ..

حرام عليك ياعمرو ارحمنااااااااااااااااااااااااااااااااااااااااااااا

الله يحرقك يا اخي

بس ولو بردو الاهلي ياخد بطولة افريقيا علي جثتي

هههههههههههههههههههههههههههههههههههههه

مستحيل

ربنا يستر يارب بس تفائلوا خيرا ياجماعة
انا توقعاتي ان شاء الله هننجح وهنتخرج بتقدير جميل ان شاء الله
معظم الدفعة بنات هتتخطب واولاد هيخطبوا
هنفضل اصحاب علطول ومش هنسيب بعض ابدا
منتدانا هيفضل مفتوح وهيتجدد ديما بالمواضيع

تيرارارا رارا
تيررمرم

أنا توقعاتى على المستوى الشخصى :أنشاء الله تكون نتيجه السنه ديه كويسه وربنا يسهل وأغير مكانى فى الترتيب علشان أنا تعبت من 48خلاص والتقدير يزيد

ونخلص كلنا على خير ونتخرج ونلاقى شغل فنفس السنه قبل 2009 أنشاء الله
علشان القعده فى البيت ممله اوى
سياسيآ : على مأظن ان الوضع سيبقى على ماهو عليه أو ممكن يحصل تحسن للدول المحتله وتكون فيه خطوه كويسه
أقتصاديآ : معدل التنميه هيزيد والأقتصاد هيزيد وفرص العمل هتزيد وكمان الأسعار هتزيد وكمان الوسطه والكوسه والفساد هيزيدوا
والرئيس حسنى مبارك هيفضل موجود ولو أتغير هيكون جمال مبارك مكانه يعنى مفيش جديد
أنا أتوقع أن أوباما يكسب فى الأنتخابات الأمريكيه
وكمان أنشاء الله الولاد اللى عندهم جيش السنه ديه يتلغى زى مهند وخالد وحجاج والناس كلها ويرتاحو

ههههههههههههههههههههههه

حيلغوا الجيش يا بنيئادمين