عدد الرسائل : 476 العمر : 36 تاريخ التسجيل : 07/10/2007
موضوع: لمبة محروقة الأربعاء 30 يناير - 0:28
لو لمبة اتحرقت هيكون تصرف الناس معاها اية؟ الرد الطبيعى هيكون هغيرها طبعا! لكن ثبت بالتجربة ان الاجابى دى مش وافية لان تصرف الناس مع اللمبةهيختلف باختلاف مكانهم وثقافتهم فى العراق لما ناس بتتحرق فى بيتهم لمبة بينزلوا يخطفوا أول أجنبي يقابلوه ويطلبوا من بلده تبعت لمبة جديدة مع واحد يغيرها علشان يفرجوا عن المخطوف
فى إنجلترا لو واحد اتحرقت فى بيته لمبة بيتصل بمندوب حلف الأطلنطى علشان ياخد إذن بتركيب لمبة جديدة فى السودان واحد هايمسك اللمبة وخمسة يلفوا السقف فى الصين لما واحد بتتحرق فى بيته لمبه، بيدخل كل البيوت اللى فى شارعهم ويبص تحت السلم، لحد ما يلاقى السلم اللى فيه ناس قاعدة تحتيه بتصنع لمبات، ياخد منهم لمبة علشان يغيرها، ويديلهم بدالها ساعة من اللى هو بيعملها تحت السلم فى بيته فى اليمن لما واحد بتتحرق فى بيته لمبة بيقعد يخزن قات لحد ما يبقى شايف إن اللمبة اتغيرت لوحدها فى الخليج لما واحد بتتحرق فى بيته لمبة بيطلب من الشغالة الفلبينية إنها تبعت السواق الباكستانى يجيب صنايعى هندى يغير له كل اللمبات اللى فى البيت فى لبنان علشان واحد يغير لمبة محروقة لازم واحد تانى يولعله الأرجيلة (الشيشة) وواحدة تغنى للإتنين وواحد ينزل يجيب معسل وسجاير للتلاتة علشان كله يعدل مزاجه قبل الشغل فى اللمبة في ليبيا لو اللمبة اتحرقت بيراجعوا الكتاب الأخضر ويشوفوا فيه تعليمات تغيير لمبة فى الجماهيرية العربية الليبية الشعبية الاشتركية العظمى فى الصومال لما لمبة بتتحرق ماحدش بينتبه للموضوع علشان ماعندهمش كهربا أصلا فى المغرب لما لمبة بتتحرق فى بيت واحد بيروح مسافر فرنسا يشتغل فى المينا هناك أسبوع ويرجع بكرتونة لمبات فى إيده فى إيران لما واحد بتتحرق فى بيته لمبة كهربا بيخرج ينضم للمظاهرات علشان يطالب بحقه فى لمبة نووية فى سوريا لما بتتحرق لمبة بيعملولها استفتاء وتطلع النتيجة إن اللمبة شغالة بنسبة 99.999% ويعملوا احتفال قومى للوصول للنسبة دى، ولو مافيش ميزانيه للاستفتاء يطلع خبر فى الجرايد تانى يوم إن اللمبة انتحرت علشان حست إنها مقصرة فى أداء واجبها القومى فى مصر أى عيل صغير ممكن يغير اللمبة بعد ما يسرق واحدة سليمة من سلم العمارة اللي جنبهم فى إسرائيل لما لمبة بتتحرق بيقولو ان الإرهابيين الفلسطينيين هما اللى حرقوها ويطلبو من أمريكا تبعت لهم بدالها ألف لمبة جديدة وكمان شوية صواريخ وطيارات علشان يقوموا بواجبهم فى الحرب على الإرهاب وينسفوا بيوت الناس اللى حرقوا اللمبة فى فرنسا لما لمبة بتتحرق بياخدوها يعملوها إزازة بارفان وطبعا كل الناس بتقلدهم بعد كده وتبقى موضة فى أمريكا الجنوبية لما واحد بتتحرق فى بيته لمبة بياخد جماعة من أصحابه وكام مدفع رشاش ويلبسوا صاعقة ويطلعوا على قصر الرياسة يعملوا انقلاب ويخلعوا الريس ويمسكوا الحكم ويكلفوا الجيش إنه يغير اللمبات المحروقة اللى عندهم كلها بسرعة قبل ما واحد تانى تتحرق له لمبة وييجى يخلعهم فى الولايات المتحدة الأمريكية لما واحد بتتحرق فى بيته لمبة بيتهموا تنظيم القاعدة بأنه السبب فى حرق هذه اللمبة وعلى هذا الأساس يتم استصدار قرار بالإجماع من مجلس الأمن تحت الباب السادس من ميثاق الأمم المتحدة الذي باستخدام القوة لتنفيذ القرار ويتم إرسال قوة حربية من قوات التحالف (وكلها أمريكية فقط) مؤلفة من 12000 دبابة مدعومة بـ 243000 من مشاة البحرية و غطاء جوي مؤلف من 846 قاذفة مهمتها البحث والعثور على المجرم الإرهابي الذى فعل هذه الفعلة الشنيعة ويتم نشر قواعد عسكرية فى جميع بلدان الشرق الأوسط للبحث والتحري ويتم إرسال مفتشين دوليين للتأكد من أن جميع دول الشرق الأوسط لا يوجد بها لمبة محروقة ويتم احتلال أي دولة إذا تم التأكد من وجود لمبة محروقة بها باعتبار أن حكوماتها غير قادرة على إيجاد من يغير هذه اللمبه
amrbooki مشرف
عدد الرسائل : 2513 العمر : 37 Emploi : helwan univ ( accounting تاريخ التسجيل : 28/03/2007
موضوع: رد: لمبة محروقة الأربعاء 30 يناير - 1:16
مش معقوووووول
والله جامده اوي اوي اوي
شكرا يا فيتو صحيح .. انت اسمك ايه اساسا ؟
no one مشرف
عدد الرسائل : 2741 العمر : 37 Localisation : west el balad تاريخ التسجيل : 15/04/2007
موضوع: رد: لمبة محروقة الأربعاء 30 يناير - 1:26
حلوة بتاعت السودان و الخليخ اوي
ema مراقب
عدد الرسائل : 452 العمر : 37 تاريخ التسجيل : 11/09/2007
موضوع: رد: لمبة محروقة الأربعاء 30 يناير - 17:54
لا بجد جامدة حلوة جداااااااااااااااااااا
emy مراقب
عدد الرسائل : 1818 تاريخ التسجيل : 04/08/2007
موضوع: رد: لمبة محروقة الأربعاء 30 يناير - 22:28
يالهوي علشان لمبه محروقه لففتنا العالم كله بس شوفتوا في مصر رافعين راسها ازاي ميرسي فيتو
محمد أنور مراقب
عدد الرسائل : 488 العمر : 36 Localisation : الهرم تاريخ التسجيل : 30/01/2008
موضوع: رد: لمبة محروقة الخميس 31 يناير - 4:31
هههههههههههههههههههههههههههههه شكرا يا فيتو على الموضوع الجامد دة بس هية اللمبة عاملة ازمة عالمية للدرجة دة بس شكلك مزنوق فى لمبة تعالى وانا اديك كرتونة جديدة
koky مراقب
عدد الرسائل : 676 العمر : 37 تاريخ التسجيل : 15/04/2007
موضوع: رد: لمبة محروقة الخميس 31 يناير - 17:26
شكرآآآآآآآآآآآآآآآآ يافيتو
الموضوع جامد جدآ
اميرة الحنين والاحساس مراقب
عدد الرسائل : 1908 العمر : 35 تاريخ التسجيل : 04/11/2007
موضوع: رد: لمبة محروقة الخميس 31 يناير - 21:57
موضوعك حلو اوى اوى
basbosa مراقب
عدد الرسائل : 1210 العمر : 36 تاريخ التسجيل : 28/03/2007
موضوع: رد: لمبة محروقة الجمعة 1 فبراير - 20:50
يلا يا عم هيص هيديك كرتونة بحالها
هههههههههههههههههههههههههه
موضوعك جامد جدا جدا
veto مراقب
عدد الرسائل : 476 العمر : 36 تاريخ التسجيل : 07/10/2007
موضوع: رد: لمبة محروقة السبت 2 فبراير - 2:24
انا اسف يا عمرو عشان مردتش على طول بس انا اسمى شريف كمال (تالتة نظم)
nour el hoda مشرفة
عدد الرسائل : 2588 العمر : 37 تاريخ التسجيل : 28/03/2007
موضوع: رد: لمبة محروقة السبت 2 فبراير - 22:14
فى مصر أى عيل صغير ممكن يغير اللمبة بعد ما يسرق واحدة سليمة من سلم العمارة اللي جنبهم
ههههههههههههههههههههههههههههههههههههه
موضوعك حلو اووووووووووووووووووووووووووى بجد شكرا على موضوعاتك الرائعه
GLADIATOR مراقب
عدد الرسائل : 633 العمر : 35 Localisation : EL MAADI .CAIRO Emploi : FACULTY OF COMMERCE AND BUSINESS ADMINISTRATION تاريخ التسجيل : 04/11/2007
موضوع: رد: لمبة محروقة السبت 2 فبراير - 22:48
هههههههههههههههههه حلو اوى
ضوء القمر مشرفة
عدد الرسائل : 519 العمر : 37 تاريخ التسجيل : 28/03/2007
موضوع: رد: لمبة محروقة الخميس 7 فبراير - 2:17
هههههههههههههههه الله كل ده عشان لمبه اتحرقت .. بس بجد دماغك عاليه ما شاء الله عليك..