عدد الرسائل : 488 العمر : 36 Localisation : الهرم تاريخ التسجيل : 30/01/2008
موضوع: سيبك مش مهم الخميس 31 يناير - 5:38
انا اسمى :مواطن
اسم ابويا:مصرى شهرتى مواطن غلبان بدال مواطن مصرى يوم فى حياتى _صحيت الصبح ودخلت الحمام اغسل وشى لقيت مفيش مياة اصلى انا مدفعتش فاتورة المياة لان دمغتها اكبر من قيمتها وبعدين المياة بقت غالية وبقى بيحسبونى بالضعف مع اننا بلد النيل (سيبك مش مهم) -نزلت الشارع اجيب عيش افطر وقفت فى طابور العيش ساعة ونص عشان اجيب رغيفين عيش(سيبك مش مهم) -رحت اجيب فول من محل الفول المصرى لقيتة قفل وفتح مكانة محل فول صينى اة والله صينى مع اننا كنا بنصدر الفول المصرى(سيبك مش مهم) -جبت بنص فول لقيتهم 10 حبايات فول سئلت الراجل بتاع الفول قالى اصل الفول غلى قلت غلى لما الفول يغلى الناس تاكل اية(سيبك مش مهم) -رحت لبتاع الجرايد واعمل زى كل يوم اقف امامة واقرا عناوين الجرايد كلها اصل انا مبشتريش جرايد اصل الجرايد غليت طب مفكروش لما غلوا الجرايد هنلف الطعمية فى اية اللى اصلا محدش بقى بياكلها لانها معمولة فى زيت بقالة اسبوع على النار مبيتغيرش اصل الزيت غلى(سيبك مش مهم) -طلعت البيت وفطرت كان نفسى فى كباية شاى بس برضة مفيش مياة وحتى لو فى مياة انا هعمل شاى ازاى والشاى غلى وكنت هشربة سادة اصل السكر دة بقى رفاهيات اصلى غلى(سيبك مش مهم) -لبست الطقم اللى عندى ونزلت للشغل وقفت فى محطة الاتوبيس اصل الميكروباصات بقت استغلالية بتوصل الواحد الحتة اللى على مزاجها والاجرة اللى على مزاجها(سيبك مش مهم) -ركبت الاتوبيس كانت رجل جوة وباقى جسمى برة اصل الناس كلها بقت بتركب اتوبيس الكمسرى قالى تذكرة اديتلة نص جنية قالى هات كمان ربع قثلت حتى الاتوبيس غلى فين ايام ما كان من سنتين بربع(سيبك مش مهم) -وصلت الشغل متاخر ساعة اصل الشوارع بقت زحمة قوى (سيبك مش مهم) -لقيت المدير طالبنى رحتلة ادانى يومين خصم قلتلة المواصلات قالى معرفكش(سيبك مش مهم) -انا نسيت حكاية الخصم لانى مستنى النهاردة خبر حلو وهو ان مديرى المباشر هيطلع معاش وانا اللى بعديى فى الترقية دة لقيت واحد تانى مكانة طلع ابن المدير اللى طلع معاش اصل المكان دة مش ناوية الاسرة تسيبة (سيبك مش مهم) -روحت فى الاتوبيس لقيت الاتوبيس مايل اصل الركاب كتير ممكن ينقلب(سيبك مش مهم) - روحت البيت قلت اتغدى جبت لقيت الفطار اللى انا بحوشة للغدا واكلت طبعا بعد ما خلصت كنت لسة جعان اعمل اية اصل الرز غلى (سيبك مش مهم) -نزلت القهوة وطلبت شيشة وشربتة وخلصت الحجر صبى القهوة قالى اجيبلك حجر تانى قلت لأة اصل حجر الشيشة غلى (سيبك مش مهم) -طلعت البيت وشغلت الراديو اصل انا معنديش تلفزيون اصلة بيستهلك كهربة كتير وغلوا فاتورة الكهربة بقوا بيحاسبوا من غير عداد(سيبك مش مهم) -سمعت فى الراديو انهم هيلغوا الدعم (سيبك مش مهم) -بطنى بقت بتتقطع من الجوع(سيبك مش مهم) -قمت انام عشا ن الجوع نمت وشديت الغطى لقيت الغطى قصير(سيبك مش مهم) - قلت اعمل بالمثل اللى بيقول مد رجليك على قد لحافك وقلت لنفسى البرد حلو سيبك مش مهم
koky مراقب
عدد الرسائل : 676 العمر : 37 تاريخ التسجيل : 15/04/2007
موضوع: رد: سيبك مش مهم الخميس 31 يناير - 17:48
كلها حاجات بتحصل فعلآ
المشكله أن الغلى اللى بيحصل ده مبيأثرش بس فشريحه واحده من الجتمع اللى هما مش لاقين أصلآ ياكلوا لأ ده كمان مأثر فى الطبقه المتوسطه الناس كلها بتشتكى وخاصة السلع الأستهلاكيه اللى لاغنى عنها الناس مش لاقيه تاكل خلاص المكرونه غليت والطماطم والبطاطس والفول والسكر والزيت والخضار والرز وطبعآ أنسى حوار الفاكهه هيه الناس لاقيه تاكل لما هتشترى فاكهه وكله كوم وطابور العيش كوم تانى والخناقات اللى بتحصل فيه وقتيل طابور العيش اللى فأسوان كل ديه سلع أساسيه مينفعش أنها تغلى هيبقى أيه للمواطن علشان ياكله ده أحنا كده مجبناش سيرة اللحمه اللى وصلت ل40 جنيه للكيلو الموضوع جميل أوووى ومهم أوى أوى شكرآآآآآآآآآآآآ يامحمد
emy مراقب
عدد الرسائل : 1818 تاريخ التسجيل : 04/08/2007
موضوع: رد: سيبك مش مهم الخميس 31 يناير - 21:31
والله اللي اعرفه اني احنا اللي بنستهبل اللي معهوش ميلزموش واللي معه جنيه يساوي جنيه واللي مش لاقي ياكل يموت وخلاص ولا هو افترا وخلاص وهنقول بقي الحكومه السبب حرام عليكو شعب مفتري
اميرة الحنين والاحساس مراقب
عدد الرسائل : 1908 العمر : 35 تاريخ التسجيل : 04/11/2007
موضوع: رد: سيبك مش مهم الخميس 31 يناير - 22:10
ياسلام يايمان اولا انتى بتتكلمى بجد ولاهزار لو هزار اوك بس لو جد لا شوفى اد ايه من الشريحة الى مش لاقية تاكل ولا تشرب اد ايه فى البلد وانا من الطبقة المتوسطة وبنقول الله يكون فى عون الناس الى اقل مننا بيعملوا ايه
معليش يامحمد بس انا كنت برد على ايمان بس بجد موضوعك تحفة وجميل اوى
basbosa مراقب
عدد الرسائل : 1210 العمر : 36 تاريخ التسجيل : 28/03/2007
موضوع: رد: سيبك مش مهم الجمعة 1 فبراير - 21:09
سيبك مش مهم
محمد أنور مراقب
عدد الرسائل : 488 العمر : 36 Localisation : الهرم تاريخ التسجيل : 30/01/2008
موضوع: رد: سيبك مش مهم الجمعة 1 فبراير - 23:16
شكرا ليكوا كلكوا على ردكم
وبعدين يا emy احنا بنتكلم عن ناس معهاش حتى الجنية اللى تصرفة انا شفت منظر امبارح خلانى افكر احنا فين مش الحكومة فين لقيت واحدة ست وابنها الصغير بيدورا فى الزبالة وبيكلوا منها
الموقف دة مينفعش معاه سيبك مش مهم المهم احنا بنفكر فى الناس دة ولا كل حاجة الحكومة
GLADIATOR مراقب
عدد الرسائل : 633 العمر : 35 Localisation : EL MAADI .CAIRO Emploi : FACULTY OF COMMERCE AND BUSINESS ADMINISTRATION تاريخ التسجيل : 04/11/2007
موضوع: رد: سيبك مش مهم السبت 2 فبراير - 22:37
شكرا اوى على موضوعك المهم لكن دى بلادنا ولو قلنا تغير يبقى موت يا حمار
nour el hoda مشرفة
عدد الرسائل : 2588 العمر : 37 تاريخ التسجيل : 28/03/2007
موضوع: رد: سيبك مش مهم السبت 2 فبراير - 23:11
حسبى الله ونعم الوكيل ومش هقول فى مين انتوا اكيد فاهمين قصدى مين
amrbooki مشرف
عدد الرسائل : 2513 العمر : 37 Emploi : helwan univ ( accounting تاريخ التسجيل : 28/03/2007
موضوع: رد: سيبك مش مهم الأحد 3 فبراير - 17:58
انا من رايي ان اللي معوش يجيب فول ممكن يعمل حفلة باربكيو او يجيب كابوريا وخلاص
اما بخصوص الجرايد الغالية...
ههههههههههههههههههههههههههه انا عرفت الحل ..
محمد أنور مراقب
عدد الرسائل : 488 العمر : 36 Localisation : الهرم تاريخ التسجيل : 30/01/2008
موضوع: رد: سيبك مش مهم الأحد 3 فبراير - 18:20
اما بخصوص الجرايد الغالية...
ههههههههههههههههههههههههههه انا عرفت الحل ..
طب ما تقولنا الحل ممكن نجربة
emy مراقب
عدد الرسائل : 1818 تاريخ التسجيل : 04/08/2007
موضوع: رد: سيبك مش مهم الأحد 3 فبراير - 20:51
هههههههههههههههههههههههههه يا جماعه شكرا علي انتقاضكم ليا بس انا حبيت اغيرمن الرد علشان كلنا طبقه متوسطه وكنت حاسه ان الكل ينتقض الغلي وبس وكلنا عارفين اللي فيها بس الكلام اللي انا قلته ده اكيد السبب في اللي احنا فيه هو اللي بيقوله لانه لو كنا نهمه او بيقول غير كده مش كان الحاجه غليت بالصوره دي
الخميس 31 يناير - 5:38
