محمد أنور
مراقب
عدد الرسائل : 488
العمر : 36
Localisation : الهرم
تاريخ التسجيل : 30/01/2008
 | موضوع: العالم العربى  السبت 2 فبراير - 0:06 | |
|
ينام العالم العربى
ليلاتى ....زى ما بينام
بعواجيزة .... بفتيانة
بأطفالة...........بشبانة
قرا الجورنان
وملا سيارتة بالبنزين
وشاف النشرة بعد الضهر
وقال فى الانتفاضة كلام
وحياها
وبعدين نام
نزل عمل الشوبينج الصبح
وفات على شركة الفيديو
وغير شنطة الافلام
لبس وقلع لبس وقلع
وليف نفسة فى الحمام
وحط الفوم
وقام للنوم
يكمل متعتة احلام
ونام العالم العربى
ليلاتى زى ما بينام
وطول الليل صحيتوا انتوا
ولا بتوا............ولا نمتوا
تلموا الجمر من تحت التراب والتلج
تضموا الجمر.........وتحتوا
بدت بحجارة
وانتهت الحجارة بنار
ونام العالم العربى
ليلاتى زى ما بينام
الشاعر :عبد الرحمن الأبنودى
| |
|
