عدد الرسائل : 2588 العمر : 37 تاريخ التسجيل : 28/03/2007
موضوع: سلام مربع(((ايمان بكرى))تحففففففففففففففففففففففه الثلاثاء 5 فبراير - 19:43
سـلام مربـع للي ربّع او مدوّر للي دوّر في البلد دي ع الأمانـي سـلام مربـع للأمانـي وجمهورية كانـي مانـي ولنظامها البرلمانـي سـلام مربـع للكبير اللي استربّع فوق دماغ مشّش و صدّع من كـلام عمال بيرسم دنـيا حلوة فـ الأغانـي سـلام مربـع للأغانـي ******* سـلام و داير ع الصوانـي كـلام و ماشي في ديل كـلام ولحن تايه في الزحام غنّى النظام علشان ننام على صوته نمنا ما قومنا تانـي سـلام مربـع للي ناموا ماقاموا تانـي اللي طافوا واللي خافوا واللي شد عليه لحافُه وغمّى عينه ع اللي شافه و راح يقدم للي كمم صوتنا ولابنه التهانـي سـلام مربـع للتهانـي ******* ابن وز وغصب عنا في نيل هوانا سوا برضانا او المهانه راح يعوم ابن حاكم يبقي حاكم بالوفاق او بالمحاكم في القانون المستحيل لازم يهون والوريث يصبح رئيس بشكل شرعي و فـ ثوانـي سـلام مربـع للثوانـي ******* تشريعات على كيف هواهم شرّعوها وعود قالوها و ضيّعوها و لعبة بايخة اتعودوها ناس بترضى وناس بتخضع ناس مُناها تحب تسمع يبقى تسمع على مزاج خطبة تخلق الف مصنع خطبة تروي و خطبة تشبـع خطبة تبنـي فوق رمال الصحرا ألَفات المبانـي سـلام مربـع للي بانـي ******* بانـي مجد عشان طموح مجـروح جمـوح ظالـم أنانـي اللي علّى لاجل يعلا واللي غنّى لاجل يغنا واللي لما وريده يعطش يملا بدمانا القنانـي واللي عمّر واللي دمّر واللي فكّك واللي سمّر واللي حزّر واللي فزر واللي عارض واللي هزّر واللي شاف الباشا مصلح واللي شافه وضيع وجانـي سـلام مربـع للي جانـي ******* شيء يحزّن لما صاحب الحق يشحت لما لون الصدق يبهـت لما يصبح في البلد دي الشمال زي اليمين شيء يحزّن.. شيء يحزّن لما نرضى و نستكين و لما يرقص طول السنـين أراجوز لعيـن بشكل سافر بهلوانـي قال هوانـي.. وزاد هوانـي ******* سـلام مربـّع للي قال انه هوانـي وزاد هوانـي للوعود البهلوانـي للوريث المعجبانـي للنظام البرلماني الكاني ماني ******* سـلام مربـع للي قطّع واللي ربّع و اللي مزّع و اللي وزّع و اللي قلّع و اللي ولّع و اللي دلّع.. و اللي شخلع في البلد دي لاجل تبقي صورة أفظع للنظام الامريكانـي سـلام مربـع للنظام المصر كانـي *******
محمد أنور مراقب
عدد الرسائل : 488 العمر : 36 Localisation : الهرم تاريخ التسجيل : 30/01/2008
موضوع: رد: سلام مربع(((ايمان بكرى))تحففففففففففففففففففففففه الثلاثاء 5 فبراير - 21:24
شيء يحزّن لما صاحب الحق يشحت لما لون الصدق يبهـت
فعلا شئ يحزن بجد بجد موضوع اكثر من رائع شكرا يا nour el hoda
اميرة الحنين والاحساس مراقب
عدد الرسائل : 1908 العمر : 35 تاريخ التسجيل : 04/11/2007
موضوع: رد: سلام مربع(((ايمان بكرى))تحففففففففففففففففففففففه الثلاثاء 5 فبراير - 23:11
موضوعك حلوة اوى يااااااااااااناهددددددددددد
nour el hoda مشرفة
عدد الرسائل : 2588 العمر : 37 تاريخ التسجيل : 28/03/2007
موضوع: رد: سلام مربع(((ايمان بكرى))تحففففففففففففففففففففففه الثلاثاء 5 فبراير - 23:35