عدد الرسائل : 2513 العمر : 37 Emploi : helwan univ ( accounting تاريخ التسجيل : 28/03/2007
موضوع: حكايات بووكي ..... متجدد الأحد 2 مارس - 4:53
انا ان شاء الله حقوللكم كل فترة كده حكاية ..
وماتخافوش .. الفترة مش حتكون كبيرة .. بس بشرط .. ياريت اللي يقراها يقول درس واحد بس اتعلمه منها .. علشان غيره يقول درس تاني . وحنبدأ الحكاية الجديدة بعد ما يوصل للحكاية القديمة 6 دروس مستفادة .. واكيد متفقين ..
وحنبدأ النهاردة بحكاية جميلة جدا ..
*** الكرواسون .. ***
حد يعرف حكاية الكرواسون ؟؟ طيب حد يعرف يعني ايه كرواسون .. دي كلمة معناها هلال .. بالفرنسية طيب ايه هي بلد المنشأ ..
احكيلكم الحكيوة ..
كان ياماكان في قديم الزمان .. في سالف العصر والاوان ايام الدولة العثمانية .. حاول العثمانيين فتح فيينا .. اللي هي زمان كانت في النمسا وسويسرا .. واستعصت عليهم لان اسوارها وحصونها عظيمة ومهيبه .. طيب يعملوا ايه ؟؟ قرروا انهم يحفروا من تحت الاسوار دي ويدخلوا الناحية التانية ويستولوا على فيينا .. وفعلا بدأوا الحفر .. ليل نهار يحفروا .. وطول النفق يزيد .. وفعلا .. ليل نهار شغل كبير جدا حتى قاربوا على النجاح في الخطة ..
وفي يوم من الايام الاخيرة لخطتهم .. ليلا .. كان في خباز بيشتغل بالليل في المخبز بتاعه علشان العيش يبقى جاهز لاهل المدينة الصبح .. الخباز سمع صوت دق منتظم .. ولان الدنيا كانت ليل وهدوء .. فطبعا الصوت كان باين .. نقرات منتظمة في الارض .. بوم طاق .. بوم طاق .. بوم طاق الصوت جاي من تحت الارض .. طيب ايه سببه ..
وفعلا .. بدأ الخباز يشك شكوك عظيمة في السبب في النقر اللي تحت الارض ده .. وهداه تفكيره الى انه يروح للحاكم وينبهه .. يمكن يكون اللي بيفكر فيه صحيح ..
رجع الحاكم الى المكان اللي قال عليه الخباز ومعه الخبراء والمستشارين .. علشان يشوفوا ايه الحكاية ..
وعرفوا ان في عدو بيحفر تحتهم نفق .. علشان يهاجمهم .. فاتفقوا على ترك العثمانيين يحفروا ويحفروا ويحفروا .. ولما يطلعوا يكونوا هم مستنيينهم ..
وااللي حصل ان الجيش العثماني هزم هزيمة نكراء .. وقتل معظم الجيش .. والباقين كانوا اسرى على طبق من ذهب ..
وطبعا اتجهت الانظار كلها الى الخباز .. وقررت المدينه العريقة كلها انها تكرمه التكريم اللي يليق بيه .. وسألوه ازاي تحب تتكرم ..
الراجل قعد يفكر ويفكر ويفكر .. وقرر انه يخلد ويكرم وظيفته من خلال تكريمه .. وصنع الكرواسون .. علشان البلد كلها تشتري منه وتاكله وتشكره عليه ..
صنع الكرواسون .. (( اللي هو معناه الهلال )) والهلال هو رمز الدولة الاسلامية وقتها .. المهزومة ..
amrbooki مشرف
عدد الرسائل : 2513 العمر : 37 Emploi : helwan univ ( accounting تاريخ التسجيل : 28/03/2007
اللي يعرف حد بقى يخليه يدخل يقول درس .. علشان نخش في اللي بعده ..
وعلى العموم .. ايمان حتقول قصة وخلاص .. طالما هي معندهاش قاعدة من الحكايات تستند عليها .. فهي عندها قصة .. حتقولها . وبعدين ارجعلكم تاني .. اقول قصتي .. ونرجع لايما علشان عندها قصة .. تقولها وارجعلكم تاني برده ..
بس طبعا كل قصة منهم لازملها 6 دروس من 6 اشخاص .. واللي عايز يحط اكنر من درس .. حيتحسبله بدرس واحد لاننا عايزين اكبر عدد من الناس تستمتع ..
وعلى العموم في امل يعني .. لسه في محمود و جلادييتور و فيتو وناهد و اميرة و تيتو مافيا ومهند وشيرين و زورو وهبه وحجاج وعثمان ونااااااس كتيييييير لسة في امل!!
honda مشرف
عدد الرسائل : 2224 العمر : 37 Emploi : Basha تاريخ التسجيل : 28/03/2007
على العموم .. وبعد طول غياب .. مكنتش انا السبب فيه ..
نعود اليكم بقصة جديدة .. قصة النهاردة انا مش حطلب منكم ليها دروس مستفادة ..
اللي عنده درس يقول واللي معندوش بلاش يقول ..
بس انا حرجع واقول اني علشان اعمل قصة جديدة .. محتاج ست ردود .. سواء كانت دروس .. او تعليقات عادية ..
ونبدأ في القصة ..
كان ياما كان في قديم الزمان .. كانت صفات الفضائل وصفات الرذائل ماشيين مع بعض في الكون الواسع .. وبعدين من كتر المشي .. جالهم ملل .. بقوا حاسين انهم ملهمش هدف .. فخرجت احدى الصفات وهي الابداع واخترعت لعبة تلعبها كل الصفات مع بعض .. طيب ايه هي اللعبة دي يا ابداع .. الابداع قالهم .. اللعبة دي هي ان كل الصفات حتستخبى في مكان تقرره .. و صفة من الصفات التانية تدور عليهم ..
واتفقت كل الصفات سواء كانت صفات الفضائل او الرذائل على اللعبة دي .. وقال الجنون .. انا اللي حدور عليكم .. ابدأوا استخبوا وانا حعد لغاية مية .. وابدأ ادور عليكم ..
وفعلا .. بدأت كل صفة تستخبى في مكان معين .. استخبت الرقة على القمر .. واستخبت الخيانة في مكان فيه زبالة .. اما الولع فاستخبى وسط الغيوم .. اما الكذب فقرر انه يستخبى جوه جبل .. وفعلا .. استخبى في منبع نهر .. واستخبى الشوق في قاع الارض .
والجنون لسة بيعد .. خمسة وسبعين .. سته وسبعين .. سبعة وسبعين .. خلال الوقت ده كانت كل الفائل والرذائل استخبت الا الحب .. وده لأن الحب دايما قرارة مش بأيده .. ومش بيعرف يقرر بنفسه .. استخبى فين .. اروح فين .. وطبعا مهما استخبى .. معروف ان الحب ميقدرش يستخبى .. (( صعب اخفاؤه ))
سبعه وتسعين .. تمانية وتسعين .. فجأة لقى الحب جنبه ارض فيها ورد احمر .. راح ناطط فيها ..
تسعة وتسعين .. مائة .
وفتح الجنون عينه .. وقعد يلف في الكون .. اول واحد لقاه كان الكدب .. لأن الكدب مهما استخبى .. لازم ينكشف .. ولقى كمان الشوق والايثار و الغباء طبعا اللي كان مكانه باين جدا .. لانه استخبى ورى الشجرة اللي كان بيعد عليها الجنون .. ولقى كمان الولع والرقة ..
وفضل الحب ..
قعد الجنون يدور على الحب يدور على الحب يدرو على الحب .. لغاية ما فقد الامل . وفجأة .. ظهرت الغيرة .. وقالت للجنون .. ان الحب مستخبي في الورد .. ونصح الحسد الجنون .. انه ياخد وردة من الورد اللي موجود .. ويبدا يستعمل شوكة من عودها يشك بيها في وسط الورد لغاية ما يطلع الحب ..