خرم الاوزون ..

بصراحة ..

انا غلبت ..
انا فعلا اتخنقت ..

احيانا تلاقي واحد ليه حق .. وتبدأ تساعده على اللي ظلمه .. علشان ياخد حقه ..
وبعدين فجأة ..
تحس انك كما قال الشاعر (( خرنج ))
ومحدش يسألني يعني ايه يا خرنج !!

تحس برده انك واخد قفى حكومة (( نسبة الى القفى بتاع الظابط لما تتقفش تحري ))

وبعد ماتحس بالاحساس العظيم ده .. تبدأ تقول طيب فين الصح ..
ياترى ياخد حقه .. ولا .. ده مش حقه اساسا
ياترى المساواة في الظلم عدل .. ولا المساواة في العدل اعدل ..

وتبدأ تحس بحروب في وجدانك بين حاجة انت مؤمن بيها .. وحاجة كنت مؤمن بيها ..
ومن هنا ..
يبدأ يحصل عندك اختلال بين مفاهيم الصح .. ومفاهيم الغلط ..

تخيلوا معايا ما يلي

علاج واحد

.. يساعد في الاتي :
1- ينجح في التصدي لفيروس سي
2- وغيره من الفيروسات المسببة للالتهابات الكبدية المزمنة
3- وما يتخلف عنها من مضاعفات مثل تليف الكبد وأورامه السرطانية ..‏
4-هذا بالإضافة إلى الأمراض الأخرى كمضاعفات مرض السكر في القدم السكري
5- وأمراض خلل المناعة الذاتية مثل الروماتويد والالتهابات المفصلية وأمراض العمود الفقري والتهابات الأعصاب المزمنة
6- بل وجلطات المخ .
7- نجح في روسيا في علاج 74 مريض مصاب بالتهاب البريتوان القيحي وايضا في علاج مرضى السكر المصابين بالسل .
8-وفي كوبا ، نشرت دراسة تكشف عن نجاح علاج 22 مريضا مصابين بجلطة في القلب خلال 15 جلسة ، حيث تبين انخفاض الكولسترول الكلي والضار بشكل ملحوظ .
9- وفي دراسة كوبية أخرى ، عولج 72 مريضا مصابا بتصلب الشرايين الانسدادي
10-وفي إيطاليا ، أجريت نشرت عام 1995 أيضاً دراسة تضمنت مجموعتين من المرضى المصابين بمرض شرايين الأطراف المحيطية الانسدادي
11-نفس النتيجة ظهرت لدى 15 مريضا مصابا بتصلب الشرايين الانسدادي في الأطراف السفلية في الدراسة التى أجريت عام 1993 فى أسبانيا
12- ومرض خشونة المفاصل
13- والالتهاب العضلي التليفى
14 - وكعلاج لتسوس الأسنان
15-الربو والأكزيما
16- وعامل مساعد في علاج الأورام
17- اكثر طرق العلاج التي عرفتها البشرية امانا و دون اي اعراض جانبية .

العلاج ده هو الاوزون ..
ونشأ العلاج ده في المانيا .. وبعدها بمائة عام ظهر في سويسرا والنمسا و امريكا و فرنسا
وبعدين تم انشاء الاتحاد العالمي للاوزون .
وفي المانيا في 8000 منشأة للعلاج بالاوزون .
وليه قسم في المعهدالقومي للاورام بجامعة القاهره

في مصر .. لما بدأ العلاج بالاوزون يوقف حال الدكاترة ..
قررت وزارة الصحة ايقاف العلاج بجلسات الاوزون و اغلاق المنشات التي تقوم به .
وذلك لما يلي :
ركزوا معايا ..

1- ان بعض المراكز تقوم باستغلال المرضى نفسيا وماديا ..
2- يجب ايقاف العلاج بالاوزون حتى يثبت جدواها بحثيا ..
3- حدوث بعض المشاكل بسبب الممارسة .

والنبي اييييييييييييييييييييييييييييييييييييييييييييه ؟؟؟؟؟

يعني احنا اللي حنجيب التايهه ونثبت لالمانيا انها بتستخدم دواء خاطئ وضار بقالها قرن وربع من الزمان ..

لا وايه .. عن طريق البحث .. ؟؟
لولا ان الواحد ماسك نفسه كان قال كلمة مش كويسة ..
احنا من امتى عندنا بحث .. ولو عندنا بحث .. ايه اللي يخليه يلغي ابحاث اتفقت عليها المانيا وفرنسا وامريكا واتحاد عالمي كامل للاوزون ؟؟
ومن امتى مفيش استغلال مادي ونفسي للمرضى في مصر .. ؟؟
ان مكانش عن طريق وزارة الصحة المصرية نفسها .. يبقى عن طريق المستشفيات الجامعية والمستشفيات الاستثمارية ..؟؟؟
ومن امتى مفيش مشاكل في الممارسات الطبية في مصر كلها .. ؟؟؟

القرار المجحف ده مش استغلال للمرضى في مصر .. ؟؟
القرار المجحف ده مش بيقضي على امل كبير جدا للمرضى في مصر .. ؟؟
وايه ذنب الناس اللي بدأت تحس بتطور وتقدم في حالتها بعد العلاج ..؟؟
ايه ذنب ناس كان فاضلها مسافه صغيرة جدا للتخلص من فيروس سي وانقاذ حياتها ..؟؟
ايه ذنب ناس لقت ان في امل انها تحرك مفاصلها تاني وتمارس حياتها ..؟؟
القرار المجحف ده مش وراه مافيا من الدكاترة اللي لقوا ان مصالحهم حتقف ؟؟
القرار المجحف ده مش طلع لنه ثبت (علميا) انه حيوقف حال الدكاترة ؟؟

وفي الاخر .. ازاي ممكن الواحد .. وبكل بساطة .. يتعاطف مع الدكتور في رحلة طلبه لكادر خاص ..

المريض في مصر هو مجرد فريسة .. تنهشها لبؤات وزارة الصحة و نسور المستشفيات الاستثمارية وضباع المافيا الطبية

المفروض ان البحث يتم مما انتهي اليه الاخرون وبما ان تم تطبيقه في المانيا وامريكا يبقي اكيد بيشفي الامراض ديه فعلا .ومن ثما يبقي حرام ايقاف العلاج بالازون

حسبي الله ونعم الوكيل

اولا يا سيد عمرو
كلامك عن الاوزون كله صح

والاوزون بيستخدم فعلا في علاج الحاجات دي

و وزارة الصحة فعلا اصدرت قرار بتاريخ 16/2 /2008 باغلاق كل المراكز
الخاصة الي بتعالج بالطريقة دي

بس عايز اسألك سؤال
ايه علاقة الدكاترة بالموضوع
احنا مش خاسرنين اي حاجة الي بيجي العيادة يتعالج كده كده بيدفع تمن الكشف سواء هيتعالج بالازون بالدواء او بمية النار حتي
يعني كده هيدفع و كده هيدفع

يبقي تسال نفسك مين الخاسران؟
اقول لحضرتك من الي خسران
الخسران هي شركات الادوية الي العلاج بالاوزون ممكن يخليها تقفل خالص

سؤال تاني
مين المتحكم او ليه النصيب الاكبر في شركات الادوية في مصر؟
رد انت علي السؤال دا

يعني الدكاترة مش خاسرنين اي حاجة سواء العلاج بالاوزون او من غيره العيان بيدفع

كلمة اخيرة بمناسبة موضوع الكادر الي انتوا شايلينوا علي راسكوا وزاعقين دا

نقابة الاطباء بقالها اكتر من سنتين بتتخانق مع وزارة الصحة الي هي ممثلة الحكومة عشان الكادر
وفي نفس الوقت الوزارة هي لغت المراكز

هل الدكاترة ليهم ايد في الوزارة معتقدش
نقابة الاطباء هي الممثل الرسمي للاطباء في مصر والقرارات بتاعتها هي الي تحاسبونا عليها

لكن الوزارة بقي تروح للتخين ابو نظارة و كرش و الطويل الاهبل ابو نظارة وشنب و تحاسبهم متحاسبش الدكاترة

الي هما اصلا مش عارفين ياخدوا حقوقهم من الوزارة

مراقب عدد الرسائل : 1818 تاريخ التسجيل : 04/08/2007

زي مفيه طب بديل وعلاج بالادويه يبقي ممكن يكون فيه علاج بالازون
وانا بصراحه سمعت عنه ومقتنه بوجوده
بس دي هي مصر