شعب صابر

يا شعب صابر مكتوب عليه يعانى

مع واحد دمه بارد ووشه شبه السحالى

قال هنعمل وزاد وعاد

وقعدنا نسمع لما فات المعاد

وجه وقالك اصلاح سياسى

ازاى؟! واصلا فيه فساد رئاسى

عشان يكون اصلاح حقيقى

لازم يكون الشعب واعى

لكن تقولى اصلاح سياسى

والعيش بيصغر وكله غالى

تقولى ده اسمه انفتاح اقتصادى

اقولك لأ اسمه تظبيط سياسى

ولما جه خلاص يسيبنا

قلنا خلاص الفرصة فى ايدنا

جه وقالك مين اللى قال

ده انا سايبكم لابنى جمال

قولنا....ومنقولش ليه

ارحم اهالينا يا سعادة البيه

وجه وقالك ازاى اسيبها

ده ابنى لسه مشربش من نيلها

لأ كفايه عليك شربت

ده كل مصرى بيقول قرفت

وخلى بالك من طنط سوزان

دى ست حلوة محتاجة حنان

عايز اعرف رايكم بصراحة يا جماعة انا بحب الانتقاد عشان اعرف احسن نفسى

بص يا عمنا ..

انا مش عالم يعني ..

بس انا حاسس انها مش مترابطة .. والقوافي محتاجة تظبيط

بس القصة حلوة

جمييييييييييييييييييييلة

جميلة جدا ومواضيعك كلها جريئة
استمر ولايهمك.

هى حلوة اوى فى قصتها

عاوزة تتظبط شوية

بس كدة شكلك هتظبتها فى المعتقل

براحة شوية

إشطة يا فيتو

شغااااااااااااااااااااااااااااااااااااااااااااااااااال
بس خف شوية
وبلاش ذكر أسماء
صحيح فى حرية فى الرأى بس كمان فى
أمن دولة

شرف التجربة يكفيك

تسلم ايديك

شكرا على الردود يا جماعة

وانت عارف انى بحترم رايك يا عمرو وباذن اللة اظبط واحد تانية