يا جميلة ومريم وبهية .. يا اسراء

مش عارف ابدأ منين ..

بس ..
لما الواحد يحس بمزيج كبير جدا من الاحاسيس ..
والاحاسيس دي سببها واحدة ما يعرفهاش ..

يبقى اكيد الواحده دي حاجة عظيمة ..

يتهيألي ..
محدش خلال الـ 23 سنه اللي فاتت ..
قدر يجمع حوالي 70 او 80 الف واحد مصري على حاجة واحده ..
اسراء قدرت ..

يتهيألي ..
محدش خلال الفترة اللي فاتت دي .. محدش قدر يحض و يولد طاقه كبيرة في حب مصر
انما اسراء قدرت ..

يتهيالي ..
محدش خلال الفترة دي قدر انه يساعد المصريين في التعبير عن غضبهم العارم ..
بطريقة سلمية جديدة ..
انما برده اسراء قدرت ..

اسراء بنت مصرية ..
عندها 28 سنه .. جامعية .. محدش من افراد اسرتها له علاقة بالعمل العام او العمل السياسي ..
من طبقة متوسطة ..
يعني من الشعب المصري الحقيقي ..
صاحبة فكرة جروب الفيس بووك اللي شعلل الدنيا .. وخلى يوم 6 ابريل ..
يوم فوقان المارد ..
يوم رسالة صغيرة .. ذات ابعاد كبيرة ..
اول واحد فكر يعمل حزب مصري للمصريين
حزب اليكتروني ..
من المصريين ..
حزب معارض مش حزب الريح ..
حزبنا ..

الفرق بين اسراء وباقي المصريين .. ان اسراء ساعدتهم على التعبير عن مشاعرهم ..
وقدرت تخلى يوم 6 ابريل ..
يوم اتجهت فيه انظار العالم لمصر ..
يمكن يكون رد الفعل مش 100% .. بس يحسبلها .. انها قدرت تخلي في ردفعل .. يشاهده العالم ..

اسراء ليس لها اتجاه سياسي ..
اسراء اتجاهها هو حب بلدها .. اللي حاولت تعبرعنه .. وتدعو الناس للتعبير عنه ..
اسراء حاولت انها تساعد الناس وتزقهم زقه ..

وبعد ما حس الناس لوهلة صغير جدا ..
انهم قادرين يضغطوا صح ..
وبالطريقة الصح ..
وان لهم تأثير صح ..

النتيجة طبعا ..
اعتقال اسراء عبدالفتاح .. ونقلها لسجن المرج..
نيابة عن كل المصريين ..
نيابة عن كل الغاضبين ..

يتهيالي ان الفترة اللي حتقضيها في السجن دي حتكون اصعب فترات حياتها ..
يتهيالي انها كالعادة ..
حتخرج شخص كاره للحياة
و حتخرج شخص كاره للنظام ..
حتخرج شخص تاني ..
شخص مش عايز يحب بلده .. ومش عايز يكره بلده .. ومش عايز اساسا يعيش في بلده ..
شخص شايف الاسود كبير ..
شخص شايف ان الواقع مرير ..
حتى لو كان حرك في الناس التغيير .. حتى لو كان ساعد مشاعرهم انها تستثير ..

تحية لأم اسراء عبد الفتاح ..
دعواتي لها بالصبر والسلوان .. مش لان بنتها راحت في خبر كان ..
ولكن ..
لأن بنتها صعب ترجع زي زمان .. الله اعلم بحالها .
ولازم تعرف ان بنتها حركت بلد كامل .. احتار فيه الجدعان ..
بلد كامل بيعاني الحرمان ..
وربنا يرجعهالها يارب بالسلامة ..

يارب هون عليها اللي بيحصل معاها .. وخفف عليها .. واديها القوة يارب .

مين قال انهم اعتقلوها

مراقب عدد الرسائل : 1818 تاريخ التسجيل : 04/08/2007

يا بختها
انا ممكن اروح بدلها بجد
ومين قال انها ممكن تكون مضايقه
علي العموم
يارب لا تسلط عليها من لا يرحمها
وربنا يخليكي يا اسراء

بس انا اول مرة اسمع ان عندنا فى المرج فى اعتقال اصلا

ومكان لكدة ممكن اقولل قسم شرطة ماشى

لكن مش لدرجة الاعتقال

وعموما ربنا يفك سجنها ويقويها على ككدة ويديها الصبر لكدة

والصبر لولدتهااااا

يا بخت مين
يا بتاعت يا بختها

انتي فاكرة الاعتقال دا حبس و خلاص

دانتي غالبانة

انا سالت بابا
قالى ان فى سجن فى ابو زعبلة بس اسمه سجن المرج

معليش على اد معلوماتى قسم الشرطة بس

يارب هون عليها اللي بيحصل معاها
وخفف عليها
واديها القوة يارب .

اسراء تم القبض عليها بتهمة تحريض الجماهير ..

ودي تهمه عقوبتها النظرية .. من 3 شهور الى سنه

اما عقوبتها العملية ..
هي 15 سنه جوه السنه الواحده ..
يارب تكونوا فهمتوني ..

ربنا معاها هو قادر يحميها

( حسبنا الله ونعم الوكيل )

مراقب عدد الرسائل : 1818 تاريخ التسجيل : 04/08/2007

هههههههههههه
كويس انكو نبهتوني علي العقوبه هتبقي ازاي
بس برده يابختها
والله انا كنت الاسبوع اللي فات كنت في عمل تطوعي كده
شوفت ناس مش فقرا علشان حرام مظلمهمش
هما اقل من الفقر بستين الف مره الناس دي والله انا كنت ماشيه بعيط عليهم
والناس اللي معايا يا ايمان اهدي مش كده وانا اصلا مش مصدقه كنت بقول كلمه واحده
الحمد لله يارب علي النعمه اللي انا فيها ونفسي اسجد في الارض في الشارع علشان اشكره
لان حاسه ان الحمد لله مش كفايه ولو كنت قابلت مسئول في الوقت ده والله كنت ولعت فيه
حتي لو هيعدموني ربنا يخرب بيوتهم كلهم

عااااااااااااااااااادت لتنتقم

مراقب عدد الرسائل : 1818 تاريخ التسجيل : 04/08/2007

ههههههههههههههههههههههه

ربنا معاها ومع اهلها يا رب

حمد الله على السلامة يا ايمان

هههههههههههههههههههههههههههههه

هههههههههههههههه
حلوى عادت لتنتقم