قالولي انساها ..... وانسي هواها !!!!

رغم اختلاف المكان والزمان...خدنى حنينى لحب كان

سألت عنها؟..وعن مكانها...لسه عايشه؟..لسه فاكره؟
سألت عنها ونفسى أشوفها...نفسى أخطف بعيونى رموشها
نفسى أقابلها و لو لثوانى...وأرجع أضمها بين أحضانى

قالوا أنساها وأنسى هواها...وأنسى تلاقى الحب معاها
مش قولت نسيتها؟...مش قولت نسيت أنك حبيـتـها؟

أيوه قولت أنى نسيتها ... بعد غدرها وقسوتها
وكنت عايش أقول لنفسى...واحده قابلتها وحبتها
لكن..كداب..عايش فى عذاب....ومكنتش عارف أنساها
لسه جوا عيونى هواها
لسه أنا قلبى..بـيـتـمناها

نفسى أقابلها زى زمان...وقت ما كان الحب حنان
وقت ما كنت أنا بأنسى الدنيا...جوا عيونها وأعيش فى أمان

قالوا أنساها وأنسى هواها...وأنسى تلاقى الحب معاها
هى أكيد نسيت وخلاص...مبقاش فى الدنيا خلاص .إخلاص

سألت تانى؟..قالوا تاهت...فين الحقيقه؟..قالولى ماتت

وأنا قلبى مش قادر يصدق...أو يمكن مش عارف يفرق

وياريتنى صدقتهم .... وياريت ما كدبتهم
وياريت خلص الكلام ... ولا كنت سألتهم

وفى لهفه وخوف عليها...وكأنى لسه بحبها
رحت أطمن عليها...ومنايا أرجعلها

وطريق الذكريات...فكرنى باللى كان
فكرنى باللى فات...وبأيام الحنان

بس..صوت وكأنى عارفه...عدى من قدام عينيا
لأ ومكنش صوت لوحده...دول صوتين غاليين عليا

شوفتها معرفتهاش...إلا من خاتم صباعها
أصله كان هديه منى...من هدايا أعياد ميلادها

ويا ريتنى ما شوفتها...ويا ريتنى ما عرفتها
ويا ريت بكانى جرحى...وبعدت أنا وقتها

لكنى قابلتها
وبشوق بصتلها
وكنت عايز أقولها
...................
لسه بحبك

وفى لحظه..صوته قتلنى...لما بان بين الحروف
لما نادى عليها فجأه...وأترسم فى عنيها خوف

أيوه صوته ...أيوه عارفه
مهما هتـتـغير ملامحه
لسه فاكره

أيوه كان جرحى فى صاحبى
اللى عمرى فى يوم ما خنـته
اللى عمرى فى يوم ما خنـته

يااااااااااااااااااااااااااااااااااااااااااااااااا ااه

يا رتني ما حبيتك يا احلي بنت شوفتها في حياتي