الاختلاط

مراقب عدد الرسائل : 1818 تاريخ التسجيل : 04/08/2007

السلام عليكم ورحمته وبركاته
بصراحه انا عاوزه اتكلم معاكو في موضوع هو الاختلاط
الاختلاط طبعا الموضوع طويل جدا وفيه اكتر من جانب
بس ممكن نمسك الموضوع واحده واحده كل واحد يقول رأيه بس
من غير ميعترض علي الاخر
انا من راي ان الاختلاط اصبح ظاهره عاديه جدا اصبح الشخص الذي لايتكلم
مع فتاه (صديقه في الجامعه زميله في الشغل اي انواع الاختلاط)يكون شخص
رجعي متخلف متشدد
انا لو سالت عن ايه الفايده من الاختلاط مثلا هنبدا في الجامعه؟ يعني انا لازم يكون
عندي صديق او زميل في الجامعه مع اني مش عارفه المسمي يكون ايه
بس ماشي ايه الفايده محاضرات طيب انا ايه لازمتي
يحجز لي المدرج والله اللي عاوز يتعلم هيفهم في الاول او في الاخر
اوراق اي حاجه تخص الاجراءات بيبقي يوم ولاد ويوم بنات يعني من الاخر
ممكن انت او انتي تعيشي بدون اختلاط
ثانيا بحس ان كل يوم مع اصحابي الاولاد مش ده ينزع اجمل ما في المراه وهو
حياءها
طيب بالنسبه للبنت الاختلاط ده مع طبيعتها اللي ربنا خلقها بيها كبنت
قلبها الضعيف ممكن تضعف بصوره او باخري تجاه شخص تشوف انه
فارس احلامها
طيب بالنسبه للولد ومع التحرر الجميل للمراه في اللبس طبعا بس يقدر يقاوم انه
يتحكم في مشاعره تجاه الزميله او الصديقه
ولو شوفنا عيوب الاختلاط ومميزاته هنلاقي العيوب اكتر
انا من غير مذكر امثله الكل عارف
فيها ايه لو الشاب امتنع عن الاختلاط يارب انا بمتنع عن شيء محبب اليا من اجلك
ومن اجل زوجه امتنعت من اجلي يعني الله تترك شيء لله
طيب ماشي انا عاوزه اسال شويه اساله
*ايه معني الاختلاط من وجهه نظرك؟
*ايه فوائد الاختلاط من وجهه نظرك؟
*هل للاختلاط عيوب من وجهه نظرك؟
*هل انت كشاب اوفتاه لاتتاثر بالاختلاط؟

وفي الاخر عاوزه احدد لكو الموضوع هو الاختلاط في الجامعه بين الشباب والفتيات
كنوع اول نناقشه

اولا :
كلمة الاختلاط من وجهة نظري مالهاش معنى ..
مفيش حاجة اسمها اختلاط .. في حاجة اسمها تعامل ..

ثانيا :
انا شايف ان طالما الانسان (بيتعامل) مع الناس .. يبقى حيستفيد منهم و حيفيدهم ..
وطالما التعامل ده في اطار محترم و نموذجي يبقى ايه المانع منه .

ثالثا :
مفيش شيء مالوش عيوب ..
بس عيب الشيء بيظهر لما نستعمله بطريقة غلط و خارج اطاره .

رابعا :
انا فعلا بتأثر (بالتعامل) مع الناس
لأن الانسان ما اتولدش يعرف كل حاجة .. وطول الوقت في خبرات جديدة .. ممكن اخدها من ولد او بنت ..

((يا ايها الناس انا خلقناكم شعوبا وقبائل لتعارفوا .. ان اكرمكم عند الله اتقاكم))

ما قالش يا ايها الذكور لوحدكم ويا ايها الاناث لوحدكم

لا

قال : (( يا ايها الناس ))
تعارفوا ..
بشرط ..

تقوى الله

انا كلامي ده عن نفسي .. مش بتكلم على حد تاني ..
انا عارف الصح والغلط ..

وبحاول اكون على قد ما اقدر مثالي .. اكيد مش بالكلام بس .. والله على قد ما اقدر احب اكون مثالي في كل شيء .
والكمال اكيد لله وحده

الاختلاط كلمة اخترعناها جديد وطلعت في المقدر كده من غير لازمة طول عمرنا عايشين وهي مش موجودة و عايشين كويسين الحمد لله

ناخد بقي الاختلاط من وجهة نظركوا
اي علاقة في الدنيا سواء بين راجل و راجل راجل و ست ست و ست و الله مش فارقة كله واحد مبنية علي مبدأ تبادل المنافع وطالما بفيد و بستفيد خلاص مفيش مشكلة

اه طبعا ايه عيوب للناس الي نيتها وحشة الموضوع كله بالنية و الواحد بيعامل ربنا كل حاجة فيها الحلو فيها الوحش

طبيعي اي علاقة في الدنيا لازم تكون مؤثلرة و الا متبقاش علاقة اصلا

في الجامعة بقي

معروف ان البنات اشطر من الولاد و هما الملتزمين

فطبعا هما الي كاتبين المحاضرات وهما الي مذاكرين فدايما الواحد مزنوق فيهم مفيدين جدا بصراحة

في نفس الوقت البنات بردو بيحتاجولنا في حاجات يعني مثلا السنة دي كنا بنروح اماكن مينعش بنات يروحوا لوحدهم فبردوا هما مزنوقين فينا و الا هيتبهدلوا

يعني مجرد مثال
وفعلا كان عندنا بنات مش بختلطوا بولاد خالص اضطروا اسفين يستعملوا المثل بتاع ضل راجل و لا ضل حيطة
يعني الموضوع مفيد اهو

بصي احنا لو امتنعانا عن حاجة شكين فيها من اجل رضاه عز وجل فربنا بيعوضنا باحسن منها

بس فعلا في حاجات بكون ضرورة فيها تعامل الرجل وست زي الكليات العملية والشغل معتقديش ان الله لو هي حرام هيعقبنا عليها"الضرورات تبيح المحذروات"
اما

معنى الاختلاط من وجهة نظرى

مالوش معنى لحد دلوقتى لسه ملقتش ليه معنى

فوائد الاختلاط

ممكن اقولك قبل كدة لما كنت مع صحابى الشباب والبنات كانت البنات بتكون خبيثة اوىى

ولو مرة مثلا اتاخرت او مجتش عشان تعبانة واجى اطلب المحاضرة القى الكلمة الى بتتقال

الدكتور مش قال حاجة والقى واحد زميلى قالى خدى دةالدكتور قاله بصراحة الشباب ممكن

يكونوا ليهم فايدة ف اننا لما بتكون فى مصلحة بيكونوارجالة

وكمان فى حاجة مهمة ان الطريقة فى الكلام بينا وبينهم فى حدود الادب والاحترام

وازيك وبس والى بينا المحاضرات والدراسة وبس

ودة الى انا فيه فى حياتى

اما بقى عيوب الاختلاط

فهو موجود كل حاجة ليها شىء وحش وشىء حلو يعنى (سلاح ذو حدين)

وطبعا عيوبه ممكن البنت تحب شخص ما وكدة والشباب البنات بتكون عاملة مفعولها معاهم

بس برضة دة بيرجع ليهم الاتنين اذا كانت البنت والولد

كل واحد يقدر يتحكم فى مشاعره

والهزار الى مش ليه لازمة بين الولد والبنت بلايد وكدة واعتقد كلامى مفهوم كويس

ممكن ارد على اذا كنت اتاثر ام لا

اقولك فى اول الجامعة وطبعا كلكم عارفين بنت ثانوى تدخل جامعة واختلاط

بشباب والحمد لله عملت ليا حدود كويس اووووى بينى وبين الشباب انا كنت هتاثر بس

فكرت فيها بالعقل لقيت ان المكان دة للعلم وليس لنزهة وهو زية زى اخويا وطريقة البنت

هى الى بتحدد المعاملة الى الولد يعملها بيها

اما دلوقتى فاانا شبة منقطعة عن شباب الجامعة لظروف انا بمر بيها

بصراحة انا قضيت وقت مع اصحابى البنات وكان زميلنا الوحيد الى بيع معانا كان مجاش

حسيت اد ايه الحياة حلوة على اد كدة الواحد مش يمنع انه لوشاف زميل ليه

صدفة يسلم عليه

اما بقى على النت انا بحس انكوا اخواتىكل الشباب والبنات

لاننا بنقدم حاجة كويسة الكل بيستفيد منه

بس فى النهاية ومخلص كلامى بعد الرغى دة كله

الاختلاط فى حدود جامدة اوى والكلام مفيش غير سلام ربنا بينا

ومتقولش بلاش دة كمان مينفعش اكون عرفه حد واشوفه وادور وشى الناحية التانية انا

بتكلم على الواحد لما يكون يعرف حد وطلما فى شكل محترم ومهذب خلاص وفى حدود

الدارسة والتعليم

بس دة ردى فى الموضوع

أولا شكراااااااا اوى يا ايمان على الموضوع الجميل اوى ده والجرئ ده
فى رأى المتواضع

ان الراجل والست هما اللى بيحددوا شكل العلاقة اللى ما بينهم

يعنى كل شئ وله حدود وقدام الاتنين وضعين حدود للتعامل بمالا يغض ربنا

فانا مع التعامل ده

اما التعامل اللى مفتوح على البحرى ومش فى حدود الاحترام والاخلاق والدين فده اللى يغضب ربنا فعلا وانا ضده

وبعدين البنت المحترمة بتجبر الكل على احترامها حتى ولو كان الشاب مش محترم لانه بيلاقى نفسه قدام انسانة محترمة وملتزمة مش متشددة فبيجبر على احترامها والتعامل معاها وهو سعيد

لان الشاب مهما كان دايما بيدور على الانسانة المحترمة الى من النوع ده واللى يطمن لها ويضع ثقته فيها

وبعدين انا شايف ان كلمة اختلاط دى كلمة جامدة اوى

المفروض متطلقش على التعامل بين الزمايل والاصدقاء

لانها بتدى بعد اخر مش موجود فى التعامل المحترم اللى بين الزمايل والاصدقاء

مراقب عدد الرسائل : 1818 تاريخ التسجيل : 04/08/2007

انا عندي موقفين وسؤال للشباب
الموقف الاول(اول يوم ليا في الجامعه)وده بصراحه كنت رايحه وناويه اراقب كل الناس اللي حولي جبت الجدول والحمد لله بحثت علي المدرج دون اي مساعدات واقفه علي الباب
بنت بتتكلم مع ولد
البنت|لو سمحت هو ده المدرج *******الولد\ اه هو
البنت \طيب هو انت متعرفش ايه نظام الدكتوره *******الولد| لا والله اول مره هشوفها
البنت |طيب هو انت بتحضر****************** الولد | لسه ده اول اسبوع
دخلنا المدرج واحنا طالعين بيقول لصاحبو
انت عارف طول المحاضره فيه واحده بترغي معايا بس اخ نسيت اسالها اسمها ايه يالا مش مهم
الموقف التاني (ده اخر يوم ليا في الجامعه)بعد الاربع سنين
طلعنا من اخر محاضره لينا للابد ان شاء الله
فواحد زميلنا بيتكلم مع زميله انا مش عارفاهم الا شكلنا
بيقولها هو انتي محستيش بعد الاربع سنين مع بعض تجاهي بحاجه ؟؟؟؟ Laughing

هههههههههههه
كنت مركزه اوي اليومين دول في الحوارات الجانيه يعني تقدرو تقولو راميه ودني مع سبق الاصرار هههههههه
المهم السؤال بقي للشباب
ان شاء الله ربنا يوعدكم كده
لو هترطبتو بوحده لاول مره هيكون ليها علاقه بشب وفيه ناس كده كتير والله ايه هيكون احساسكو
يعني مبسوطين ولا عادي ؟؟؟وطبعا لييييييييييييه الحالتين؟؟؟؟؟؟؟؟؟

شكرا للجميع علي الرد
شكرا يا اميره كنت منتظره ردك انتي بالذات شكرا ليكي

اكيد اكيد اكيد

هبقى فى قمة السعادة وراحة البال والشعور بان فى لسة بنات من النوعية النادرة دى وانا لاقى اللى هو عاوزه

هما موجودين بس قليلين جداااااااااا

انى الاقى الانسانة اللى من النوع ده وتكون متفقة معايا ومع افكارى او على الاقل فى تفاهم فيما ما بينا

ده شئ صعب جداااااااااااااااااااااااوكل شاب نفسه يلاقى البنت دى

شوفى يا ستى

اجاوب الاسئلة الاول

الاختلاط

هوة تجاوز البنت للعلاقة مع الولد او الولد مع البنت

الفوائد

بصراحة لو فية انك بيخليكى وية اكثر اجتماعيا عشان احنا مش عايشين لوحدنا

اما العيوب كتيييييييييييييييييير

كفاية التفكير غير السليم اللى بييجى فى دماغ الاتنين

يؤثر ولا لا

طبعا بياثر دة بيحول الشخصية 180 درجة

السوال ااخير بقى

والله انا عن نفسى بتمنى تكون معرفتش حد قبلى انما محدش عارف القدر مخبيله اية يمكن الظروف تجبرنى لى كدة ولو ان مفيش حاجة تجبر الواحد

الاختلاط مجرد التكلم مع الناس فى الشارع يسمى اختلاط
الاختلاط فوائد بيصقل شخصيه الانسان
عيوب الاختلاط بين الولد والبنت كتيره تغير شكل البنت علشان الولد
وتغير صفاتها
ومن ناحيه الولد فى ولاد لما بيعرفوا بنات بيسبوا محاضراتهم وينفضوا لاصحابهم
وده غلط
واما انا مش من انصار الاختلاط بين الولد والبنت فى الجامعه او فى اى مكان
فمثلا انا معرفش بنات كتير من الجامعه او بره الجامعه
ولا اتاثر بالاختلاط تماما

يالهوي يا ايمان ..

4 سنين رامية ودنك مع الاتين دول بالذات ..

بتلمعي اوكر لمده 4 سنين ..
دي زمان الاوكرة اتحرقت من كتر التلميع ..

ههههههههههههههههههههههههههههههه

بس قوليلى ياايمان اشمعنى انا الى كنتى مستنى الرد بتااااااااااااعى

مراقب عدد الرسائل : 1818 تاريخ التسجيل : 04/08/2007

ههههههههههههههههههههههههههه
لا يا اميره عادي متخديش في بالك

بصى يا ايمان الموضوع مش موضوع اختلاط او غيره وكمان كل حاجة فى حياتنا ليها مميزات وعيوب كل حاجة حتى اللى احنا بنعمله ده ليه مميزات وعيوب بس اللى المفروض نتكلم فيه مع احترامى لموضوعك اننا نتكلم ازاى ننمى المميزات الخاصة بالاختلاط وبعدين من غير زعل اى بنت حبت واتعرفت على شاب وكان كل حياتها تتفتكرى لو الموضوع مكنش ربنا رايد انه يتم واتعرفت على شاب تانى وهو ده نصيبها اللى ربنا كاتبه ليها وقالتله انها كانت على علاقة بشاب تفتكرى انه هيسيبها مع ان قدر ربنا هو اللى محدد انها تكون من نصيبه وتكون مراته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ بس انا راى الشخصى ان اكبر فايدة للاختلاط بالنسبة للولد او البنت احنااللىبنقررها فى التعرف الاول بينا يعنى لو البنت اتعرفت عليها وكانت بتتكلم باحترام من الاول اكيد التعامل معها هيكون محترم جدا واكيد انتو فاهمين انا اقصد ايه وسورى لو كنت جرى فى كلامى بس الموضوع محتاج جرائة وعلى العموم انا لو اتعرفت على بنت وحبيتها وقررت انى ارتبط بيها وعرفت انها كانت على علاقة بواحد قبلى مش هزعل غيرفىحالة واحدة بس انها تكون مخبية عنى انما لو قالت عادى لانى معترف بحاجة واحدة بس كما تدين تدان

مراقب عدد الرسائل : 1818 تاريخ التسجيل : 04/08/2007

الحمد لله رأي صح 100 %
كنت فاكره اني غلط واني عايشه في كوكب تاني بس طلعت صح
الحمد لله يارب ان انت ربنا والحمد لله ان انا انا

***الاختلاط***

الاختلاط