دة احنا شعب ابن..............

استفزنى اوى اوى موقف حصل فى المترو لما لقيت كالعادة واحد بيتخانق مع واحدة عشان المكان ضيق على سعادتها والرد

الطبيعى انا مجتش جمبك وعندكم عربية السيدات جيين تقرفونا لية ؟؟؟؟؟

لحد كدة الحوار عادى اوى او بقى عادى انما بقى واضح ان فية واحد الموقف استفزة فبدا يدافع عن الراجل ويقول فعلا

االمفروض يركبوا عربية السيدات بس الراجل بقى اللى كان بيتخانق سمع غلط فبيقولوا خلى لسانك جوة بقك واتحولت الخناقة

والناس تفهم الراجل انة بيدافع عنة وفى الاخر بقى الراجل اللى كان بيدافع دة يقوم يقولة انا غلطان انى بدافع عنك والله احنا شعب

ابن..... وراح قايل والمصحف احنا شعب ابن ,,,,,,,, شتيمة غيرها يعنى

المشكلة هنا مش انه شتم عادى دى ساعة غضب

وكلنا بنتنرفز المشكلة هو نظرته للشعب بتاعه ايه هوة ازاى واحد زى دة هيسعى للاصلاح وتطوير بلدة وهو شايف اصلا انه

شعبة ميستحقش يعيش معاه

دة غير كدة وكدة هوة يا اما شايف نفسة احسن من الناس يا اما بيشتم نفسة مع الناس طب راحت فين الثقة فى النفس وقبلها حب

الوطن والاخوة

الموضوع محتاج وقفة

ومحتاج قبل ما نحاول نغير من البلد نغير نفسنا ونحب بعض اكتر ومحدش يحس انه احسن من التانى ولو

فعليه انه يساعدة يتغير لانى مينفعش انى احارب عدو وانا نفسى اللى جنبى يضرب بسكينة عشان ارجع من غيره عشان هوة

ميستحقش ربنا اعلم بقلوب الناس وباعمالهم ومحدش هيحب بلدة غير لما يحب اهل بلدة الاول

معلش موضوع طويل بس استفزنى

الموضوع مستفز بطريقه غريبه
لكن تعالى نسال نفسنا ايه اللى خلى الراجل ده يقول كده
مش انه شايف نفسه احسن منهم ولا حاجه

لكن احنا اتعودنا على التعميم
بمعنى اننا لما نشوف مثلا شخص مش كويس نطلع بنتيجه فوريه ان كل اللى فى المنطقه مش اللى ساكن فيها الشخص ده مش كويس
وده وجه نظرى مش اكتر

وفيه حاجه كمان الناس شايفاها وحساها
ان المستوى الاجتماعى والاخلاقى اصبح فى تدنى مستمر وده اللى ادى الى الكلمه الى اتقالت ده
يعنى مثلا ممكن النهارده تلاقى شخصين فى عربيه او فى الشارع بيلفوا سجاير حشيش وعادى جداااا
وعلى فكره الكلام ده مش فى المناطق الشعبيه بس ده فى الاماكن الراقيه كمان

وعلى ما اعتقد مفيش شاب لم يشاهد هذا الموقف قدام عينيه
وعلى فكره الكلام ده برضه بيحصل عندنا فى الجامعه وفى المركز التجارى

بعكس زمان كان البلطجى ولا الصايع يخاف يمسك سيجاره حشيش فى الشارع
كان بيدور على مكان مفهوش حد خالص
لا الناس كانت بتتكلم
وكان فيه حد بيقول وبيقف قدام الغلط لكن النهارده كل واحد مننا بيقول يلا نفسى
ياعم هو انا هدخل فى خناقه مع واحد بلطجى ممكن اتعور او يموتنى

وده مثلا
تعالوا النهارده نبص على التدنى الاخلاقى اللى بين البنات مثلا ولبس البنات
هتلاقى حاجت فى منتها قله الادب والسفاله
ومحدش برضه بيتكلم

كان زمان لما تلاقى واحده مبينه شعرها مثلا او لابسه ضيق كنت تلاقى واحد من الجيران يوح مثلا يكلم ابوها يقوله كده غلط
مش زى النهارده
تلاقيها لابسه من غير هدوم خالص
ويبقى الجار سعيد ومبسوط انها مش لابسه من غير هدوم ونفسه تقلع اكتر من كده علشان يستمتع بالنظر الى ما حرم الله

وكمان بص على القهاوى ومقدار البنات اللى قاعده عليها وده طبعا فى الاماكن الراقيه فقط مش الاماكن الشعبيه
وكام واحده ماسكه شيشه

وضع مختلف

وده مش تعميم طبعا زى مفيه الكلام ده
فيه ناس كويسه كتير جدااا
لكن الظاهر دلوقتى
الجانب السئ وليس الجانب الايجابى او الكويس
مش كده
وده برضه مجرد راى شخصى
واسف على الاطاله
موضوعك جميل يا فيتو
وشكرا على الموضع ده

بدايه الحل لاى مشكله
انك تشعر بالمشكله نفسها وتسعى الى حلها ونغييرها