تعالي فضفض ..محدش هيسمعك..

بص يا محمد

انا مش عارفه الموضوع بالضبط بس هقول رأيي بصفه عامه
اكيد اول حاجه هترجع لربنا زي ما كلهم قالوا فوق
لان ده احسن طريق عشان تخلص من همومك
وكل ما تبعد عادي قرب تاني لان الشيطان هو اللي بيبعدك
انت لازم تقاومه

بس عارف دايما الواحد لما حاجه واحده بتضايقوا بيحس بهم كل الحاجات الباقيه
حتى لو مش مستاهله
انت حاول تحل كل مشكله بشكل منفصل عن اي حاجه تاني
يعني متفكرش في كل المشاكل في وقت واحد لان ده بجد
هيخنقك اوي وهتحس ان الدنيا كلها فوق دماغك وان محدش فاهمك

كل واحد عنده مشاكل
بس المهم تتحكم فيها ومتسيطرش عليك
من غير المشاكل دي مش هتقدر تحس انك مبسوط
لان لو الحياه ماشيه عادي كده كل يوم هتبقى حياه ممله
ولا هتحس بطعم اي حاجه

وانشاء الله كل شيئ هيتحل بس بالهدوء والعقل
وانا اسفه لو كنت طولت عليك

مراقب عدد الرسائل : 1818 تاريخ التسجيل : 04/08/2007

لايهم العالم اذا كنت تضحك ام تبكى فاضحك افضل
الكلمه دي عرفتها من حجاج كان جوبها مره في اسئله كنت منزلاها من اروع الحاجات اللي سمعتها وبحاول اطبقها
محمد انور كبر علشان تعرف تعيش
********************
بالنسبه ليا مش عارفه عندي كلام كتير اوي نفسي اقوله وكلام كتير نفسي اسمعه
بس مش عارفه امتي ولا ازاي

شكرا ليكوا يا جماعة على ردودكم

وان شاءالله هعمل اللى انتوا قلتوة

بص يا محمد يمكن اكون انا اكتر واحد بعيد عنكم يعنى معرفش حد منكم الا قليل اوى هما اللى اعرفهم واكتر واحد اعرفه هو حجاج لانه بجد اكتر من اخ ليا بس بالنسبة لكل المشاكل اللى خنقاك كل اللى اقدر اقوله ان ده اختبار من ربنا ولو عاوز الحل فقوم صلى ركعتين لله وصدقنى اول ما تخلص صلاة هتعرف ايه الحل لكل المشاكل دى

انا بقى اللى بجد مخنوق اوى ليه الواحد بعد ما بيعرف حد ويكون الحد ده مهم عنده اوى وكمان بعد ما يحب الحد ده ويكون الانسان او الانسانه دى اكتر من اخ او اخت ليه وفجاة وبدون اى مقدمات يلاقى نفسه بعيد ويحاول انه يتصل او يطمن يلاقى انه خلاص اتنسى ليه بجد لما بنحب باخلاص بنلاقى قسوة وبعد من اللى بنحبهم على فكرة كلامى ده والحب اللى اقصده مش حب حبيب لحبيبته انما حب انسان لانسانه كانت فى يوم من الايام اخته كانت تهمنى لانى بجد حسيت انها اكتر من اختى ودلوقتى معرفش حاجة عنها خالص وكبريائى مانعنى انى حتى اتصل بيها واطمن عليها بعد ما حسيت انى رخيص اوى فى نظرها لما كنت بحاول انى اكلمها سواء على الميل او الموبايل بجد مخنوق ومش عارف اعمل ايه

بص يا تيتو انا اتحط فى نفس موقفك
وهاقولك كلمه واحد خير الكلام ما قل ودل
( اللى يبيعك بيعه )
هو او هى مقدرش حبك واخلاصك ليه يبقى ما يستهلوش خالص وكرامتك وكبريائى فوق اى حد ما عدا والديك هى فيها قسوه صحيح بس لازم نعملها
على العموم ربنا عمل كده علشان يوريك اللى بيحبك ويقدرك واللى ما بيحبكش ولا يقدرك واظنك عرفت كده
وياريت متزعلش من رايى

فعلا

اللى يبيعك بيعه ما تندمش فى يوم عليه

على فكرة انا سعيد جداااااااااااا بارأكم وتفكركم

طيب ولو انا ضعيف معرفش ابيع حد

سورى يا شباب بس انا كده معرفش ابيع حد اتربيت بالطريقة دى مهما الناس تعمل انت بتعامل ضميرك وبس وضميرك دايما بيقولك اوعى تبيع حد او تخونه او تظلمه هى دى المبادى اللى اتربيت عليها بس عاوز بجد اعمل مواجهة ومش قادر قولولى الحل

بص ياطاهر يمكن يكون كلامى اللى هقوله جامد شويه بس انت عارفنى خصوصا مع اللى بعزهم يعنى من الاخر يابخت من بكانى وبكى عليا ولا ضحكنى وضحك الناس عليا ............. ويمكن تزعل لما اقولك انت معرفتش تصاحب صح .. هترد وتقولى دى انسانه كويسه جدا هقولك ماشى على راسى من فوق بس هى بنت وانت ولد واحنا ياطاهر فى مصر يعنى من الاخر مهما كانت الصداقه اللى بين البنت والولد ممكن يجئ عليها وقت وتنتهى وده يبقى شئ طبيعى وانا شخصيا اتعرضت ليه وكنت عارف ده من الاول ومحضر نفسى ليه دى ياطاهر طبيعة مجتمع ... متزعلش ولازم تكون جامد شويه اما لو كانت وحشه فالانسان فينا مش بيتعلم ببلاش ............

طاهر لازم تكون شديد عن كده ومتخليش حاجه هايفه زى دى تكسرك وخدها منى كلمه (الدنيا دى زى الغابه يتكون فيها اسد ياهتنهش لحمك الديابه)

انت عارف يا حجاج ان مفيش حاجة بتكسر تيتو صح ولا غلط بس كل اللى عاوز اعرفه انا عملت حاجة تزعل ولا ايه الموضوع لانك عارف انى مش بعرف اخلى حد زعلان منى ولو فى حد زعلان منى عمرى ما برتاح غير لما اتاسف ليه ومش هحس براحة غير لما يسامحنى هى دى المشكلة انى عاوز اواجه الانسانة دى ولو انا غلطان اعتذر ولو انا مش غلطان خلاص

اروع شيء ان تحس بالاتصال
مع الخالق

بص يا تيتو لازم تغير المبادئ دى والا هتعيش طول عمرك حزين صحيح انت بتعامل ربنا وضميرك وجميل انك متخليش حد زعلان منك بس كل شئ له نهايه سوى حزينه او سعيده المهم ليه نهايه

بص يا طاهر

انت كل كلامك صح

وحصل معايا

احساس انك بتعز حد لدرجة انة مبتفرقهوش عن اخوك او اختك وفى الاخر بتلاقى رد فعل يصدمك وبرضة متقدرش تبيعة

زى ماقال حجاج

دة طبيعتنا هان فى مصر وكمان احنا فى زمن مبقاش فى حد بيحط النية السليمة فى كل افعالة

مش هقولك بيع ولا انسى

بس استنى وربنا هيجازيك على نيتك وممكن بعد كدة الانسانة دة تقدر اللى انت عملتة ليها كأخ ودة حصل فعلا معايا

بس صدقنى يا محمد احتمال كبير اوى ممكن يوصل لنسبة 99% انها تقدر بعد فوات الاوان بمعنى انها ممكن تقدر فى الوقت اللى انا مكنش عاوز العلاقة دى ترجع تانى او تكون بقت بالنسبة ليا ماضى او ذكرى انا عارف ان الكلام ده ممكن يكون عكس كلامى القديم بس بجد كل واحد وليه صبر وانا خلاص صبرى بدأينفذ وبجد لو حسيت انى متباع للدرجة دى ممكن امحى الفترة دى من حياتى

سورى ياطاهر
ردى جة متاخر شوية

بس كل الى اقدر اقوله ليك

انت برضة متعرفش ظروف الانسانة دى الى خلتها عملت كدة

ومع احترامى لكل الى قالك الى بيعك بيعه هما مش يعرفوها اوسمعوها زى
ماسمعكوا وحكموا عليها وياريت الواحد يقدم النية الخير قبل الشر

وربنا معاك

بصى يا اميره 1+1=2 ولكل فعل رد فعل
ما دام الانسان ما حافظ على حبى ليه يبقى عمره ما حبنى و لا حتى صان العيش والملح ساعتها هيسقط من نظرى وابيعه فى الحال
انتى بص للامور من ناحيه انك بنت
هاسلك سؤال يا اميره ده لو حصل معاكى هتعملى ايه ؟؟؟؟؟؟؟؟

بصى يا اميرة حبى واحترامى للانسانة دى يمنعنى انى اقول حتى حرف من اسمها وكلامى ده بياكد انى لسه بحترمها وان المعزة اللى فى قلبى ليها زى ما هى بس تفتكرى هى لو حست باللى جوايا وبقوله دلوقتى هيكون ايه رد فعلها طيب لو انتى مكانها هتعملى ايه حاجات كتير فكرى فيها وبعدين انا مش هسمح ليا او ليها انها تكون موجودة فى موقف ان واحد او واحدة يقولها كلمة تجرح او تزعل لانى بجد لحد دلوقتى بحترمها جدا يمكن تكون الظروف هى اللى منعتها انها ترد على تلفونى بس عمرها ما تمنعها انه تتصل اول ما تسمح الظروف صح ولا غلط ويمكن يكون النت كان فاصل عندها فى الفترة اللى كنت محتاج الانسانة دى جانبى بس تفتكرى انه اول ما يرجع وتلاقى منى رسالة اوف لاين هتتجاهل ولا هترد؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مليون علامة استفهام قدامى ونفسى الاقى رد او اجابة على الاسئلة دى بجد تعبت ومش عاوز اظلم اى حد معايا لانى مش حمل ذنب ظلم انسان

بص جميل منك انك تكون لسه بتحترمها
واصبر عليها شويه ممكن تكون عندها ظروف فعلا

مش عارف بس بجد انا فى حيرة وخايف انى اخد قرار اندم عليه

مراقب عدد الرسائل : 1818 تاريخ التسجيل : 04/08/2007

اللهم لك الحمد حتي ترضي ولك الحمد بعد الرضا
ولك الحمد ابدا ابدا
اللهم لك الحمد كما ينبغي لجلال وجهك وعظيم سلطانك
اللهم لا تسلط علينا من لا يرحمنا
ولا تؤاخدنا ان نسينا او اخطأنا

الراجل هو من يتحمل نتيجه قرارته

بجد مش عارف اشكرك ازاى يا مصطفى انا فعلا كنت مستنى الرد ده علشان يشجعنى انى اعمل الخطوة اللى جاية وبجد انت ساعدنى انى اخد القرار واتمنى ان القرار ده يكون مناسب ومندمش عليه ومظلمش حد فيه

لا تندم على شئ تفعله او اتخاذته
و ربنا يوافقك

مراقب عدد الرسائل : 1818 تاريخ التسجيل : 04/08/2007

ايمان بقيت سراب ليه كده يا بنتي