و صعب تحس ان ممكن حد ينتقدك او يغلطك .. وده مخليك دايما مش عايز تبان ضعيف مع ان العزة لله وحده ..
يتهيالي ان دي اكبر سلبية فيك .. انما بجد بجد بجد انت من الناس اللي الواحد يعتز بصداقتهم .. لأنك راجل محترم ومن الناس اللي انا بحبها . انا ما بحبش الناس اللي ماشية في الرمادي انا ما بحبش غير ان الواحد يبقى قدامه الابيض والاسود . وانت كده . ----------------------- اما انا عن نفسي .. احب اقوللك يا يمان اننا جالي احباط من اللي بكتبه . اكتشفت ان انا بكتب كتير اوي .. وغيري بيكتب اكتر و غيري بيتكلم اكتر.. بس في الاخر .. الغلط ما بيطلعش غير من نفس الناس دي .. بطلت اعمل قصاقيص مثلا .. لأني مبقتش احب ابص في جورنال او مجلة . بطلت اكتب مواضيع مثلا .. لأني اكتشفت ان من كتر الحاجت اللي عايز اكتب فيها بقيت اتلخبط و مش عارف اكتب . بس على العموم .. يمكن بدأت ارجع اكتب شوية اليومين دول.. ولسة كاتب مقال من يومين و في واحد تاني بكتبه .. و ربنا يسهل ..
وميض النار عضو ذهبي
عدد الرسائل : 236 العمر : 34 Emploi : طالبة بكلية الصيدلة تاريخ التسجيل : 02/08/2007
عاوزه اخد رايكو في موضوع انا بقالي كده سنه مشتركه في جمعيه رساله للاعمال الخيريه مكان لقيت فيه السعاده عرفت ان معني السعاده انك تسعد ناس تاني وياسلام لو الناس دي محتاجه اوي ان حد يساعدها انت بتحس بنفسك بذاتك انا عن نفسي كنت ارجع من الجامعه مخنوقه اووووووووي اورح الاقي نفسي هديت وحسيت اني احسن المهم من ساعه الاجازه بقي وانا مقيمه بصوره رسميه هناك وبقيت انا مسئولت نشاط المكفوفين هناك المهم جه بابا وقالي لا حرام كده بلاش تروحي هناك تاني طبعا قعدت يومين كانو جحيم بالنسبه لي علي الرغم ان عندنا في البيت هدوء والحمد لله جو حلو بس برده مش قادره مرحوش المهم كنت رايحه فرع تاني فقبلت متطوع وبقوله انا فعلا بشتغل في كل النشاطات اللي في رساله ومش بحب اروح البيت قالي كده غلط علشان العيله واهلك اقاربك تزوريهم وليهم حق فيكي مش عارفه هو الموضو بس عاوز تنظيم وقت بس انا لو اطول اقيم هناك هيحصل بس فعلا بيبقي فيه شغل كتير فالوقت بيخودني ومش عارفه ليه الواحد لما يلاقي طريقه لسعادته لازم ياخد باله من الناس التانيه ولا نطنش طالما مش بنعمل حاجه غلط ***************** بالنسبه ليك يا عثمان انا مش عارفه انا كمان كده بس التحليل بتاع عمرو مش مناسبني بالعكس انا بحب الناس تنتقضني تطلع كل عيوابي وبكرهه اللي يقولي مميزاتي مش عارفه ليه انا كده
OSMANOF مشرف
عدد الرسائل : 922 العمر : 37 تاريخ التسجيل : 24/06/2007
موضوع: رد: تعالي فضفض ..محدش هيسمعك.. الجمعة 29 أغسطس - 15:26
اولا شكر جدااااا يا صاحبى على ردك عليا ومعلش انى اتاخرت فى الرد
وشاكر جداا انك معتبرنى صديق وده شئ يشرفنى جدااا
واتمناه
بس هو انا مختلف معاك شوية لو سمحت
انا اكتر واحد لو عرفته بجد بيحب الناس تنتقده والدليل انى دايما بسال اصحابى على عيوبى وحتى اسال هند وهدير ودينا على سبيل المثل الا الحصر
ولذلك انا مشتكبر لانى لو متكبر مكنتش اهتم بانى اسال الغير على رائيه فيا ولا ايه العيوب اللى شايفها فيا كل ده عشان اعاوز اكون افضل ومخسرش حد من اصحابى لو كنت متكابر مكنتش اهتميت بكدة خالص
وزى ما قولتلك حتى اسال اى حد من اصحابنا هيقولك انى كنت كل فترة اسالهم ايه رايهم فيا وايه العيوب اللى فيا
واسالهم تانى بعد فترة هل العيب الفلانى لسة موجود ولا
اما بالنسبة لانى رمادى
فبرده معلش يا صاحبى اوت برده
ههههههه
انا اغلب اختلافى مع الغير انى معرفش الرمادى
يا صح يا غلط
بس ساعات فى الاشياء الى مش مهمة ومش مؤثرة مهتمش انى اكون صاحب القرار واسيب غيرى يختار عشان ميحسش انى متسلط مثلا اما كنا نروح السنيما انا وانت ومهند وهانى والشلة يعنى
كنتوا تقعدوا تختلفوا على الفيلم انا مكنتش بختلف وبوافق على اللى انتوا عاوزينه لانه بالنسبالى السنيما شئ ترفيهى مش شئ مهم لازم اخد قرار فيه بشكل عقلانى يعنى فيلم حلو اوى شغال فيلم مش اوى شغال
لان المهم عندى مش الفيلم ......المهم عندى انى اكون مع اصحابى والاصدقاء اللى بحبهم واللى بشوفهم على فترات متباعدة
فهمتنى يا صاحبى
بس برده انا فى غاية الشكر على ردك وصراحتك ورايك ويارب تكون فهمتنى
OSMANOF مشرف
عدد الرسائل : 922 العمر : 37 تاريخ التسجيل : 24/06/2007
موضوع: رد: تعالي فضفض ..محدش هيسمعك.. الجمعة 29 أغسطس - 15:43
بصى يا ايمان
اسمحيلى اقول راى
عظيم جدا انك مشتركة فى جمعية رسالة وهى فعلا جمعية ممتازة وبتعمل خير كتير و حلو اوووووووووووووووى انك تعملى الخير وانك تبحثى على السعادة اللى انتى بدورى عليا فى المجال اللى بيحسسك بالراحة والسعادة فى مساعدة الغير وانت تقدميه المساعدة والعون
بس كل حاجة بحدود
يعنى زميلك المتطاوع اللى قالك كده غلط هو بيتكلم صح جدا
لان مش عشان تسعدى نفسك تهملى وتفقدى جزء مهم جدا واساسى واكتر اهميا من سعادتك الشخصية وهو اسرتك وسعادة الاخرين اللى حوليكى علتك يعنى
يعنى مش تسعدى الناس اللى فى الجمعية على حساب سعادة اهلك انتى لازم توفقى بين سعادتك الشخصية والحياة اللى عجباكى وبين سعادة اهلك واسرتك فى واجبات اسرية مهمة لازم تعمليها
انتى كده على المدى البعيد بعد فترة هتلاقى نفسك افتقدتى اسرتك ومش هتحسى بكده اللى بعد فوات الاوان وساعتها هتندمى انك قصرتى اتجاه اهلك
معلش يا ايمان انا فى جملة قولتيها زعلتنى منك
ومش عارفه ليه الواحد لما يلاقي طريقه لسعادته لازم ياخد باله من الناس التانيه ولا نطنش طالما مش بنعمل حاجه غلط
انتى كده بتتكلم بشئ من الذاتية وحب النفس اما فين حق اهلك عليكى زى ما انك تساعدى الناس دة حقهم عليكى من باب اولى انك تسعدى اهلك وتديهم حقهم عليكى
اقعدى مع نفسك وحاولى تضبطى بين الجمعية وبين اهلك
واسف لو كلامى معجبكيش وانى طولت
Ahmed مراقب
عدد الرسائل : 310 العمر : 37 تاريخ التسجيل : 28/03/2007
موضوع: رد: تعالي فضفض ..محدش هيسمعك.. الجمعة 29 أغسطس - 22:35
احيا ن كتيره الواحد مننا بيحب يشوف الناس اللى فى سنه بتفكر ازاى وايه هيا اهتمامتهم والاشياء التى تنول اعجابهم وده كنت يعرفه من اسلوب كلامهم وردهم على مواضيع المنتدى تقدر تعرف كل واحد وشخصيته من رده على المنتدى على بعض المواضيع
وانا بحب جدااا اتابع اخبار الناس واعرف اتجهات فكرهم ده عقلانى وده متهور وده مش دارى بالدنيا وده بيحب الاقتصاد وده بيحب الثقافه وده بيحب الرسم وده بيفكر فى المواضيع بعصابيه وده .... وده...... بجد موضوع شيق للغايه
هقولكم على تجربه عرفتها من دكتوره عندنا فى الجامعه
جرب كده انك تقف فى شرفه بيتكم وتشوف الناس اللى ماشيه فى الشارع هتلاقى منظر غريب اوووى
واحد ماشى وهتخبطه عربيه وهو مش حاسس من كتر الهموم اللى بيفكر فيها
والتانى اشى عمال يضحك ومبتسم فى وجه كل الناس بالرغم من انه عنده هموم الدنيا على كتافه
وده شاب ماسك سيجاره وواقف عمال يعاكس اللى رايحه واللى جايه وهو اساسا ساكن فى غرفه تحت السلم ومش لاقى ياكل
وتلاقى واحد تانى بياخد بايد راجل عجوز وبيوصله لحد بيته علشان هو تعبان
وده ممكن يكون غلط وسلبيه لكن من الممكن جدااا اننا نحول السلبيه ده والغلط ده الى صح ازاى اننا نبص لده كله ونتعلم منه بمعنى الصفه الكويسه اللى فى فلان واللى انا لاحظتها احاول اكون زيه واحاول اطبقها فى نفسى وهكذا بكده مبقتش سلبيه ومبقتش غلط
وانا غلطت فى حقكم كتير لانى كنت بحب اتابع اخباركم من المنتدى وارائكم
لكن للاسف مكنتش بتفاعل معاكم فى مواضيع كتيره لان كان وقتى ضيق جداااا ولكن ان بوعدكم انه هيكون فيه حل لمشكلتى ده
بالنسبه ليكى يا ايمان انا بتفق مع عثمان فى كلامه جدااااا
سلام عليكو المنتدي ده وحشني اووووووووووووووووووي موووووووووووت ازيكو يا شباب نظم والله انا بسال علي كل الناس مش عارفه اذا كان بيوصل السلام ولا لا بس بسال عن الكل اسم اسم وبعرف اخباركو علي طول انتو فين يا جماعه اقول مين ولا مين محمود عبد الباسط عمرو بوكي احمد ذكريا مهند عثمان اسامه محمد انور فيتو احمد ربيع ناهد عبير هند هدير دينا اميره شرين ايمان سلمي مين تاني خايفه اكون ناسيه حد يارب كلكو تكونو بخير وسعاده
Ahmed مراقب
عدد الرسائل : 310 العمر : 37 تاريخ التسجيل : 28/03/2007
ثانيا : انا بخير والحمد لله بس انتى عارفة الواحد بينشغل باى حاجة وغير كدة المنتدى مبقاش حد بيدخل عليه وبقى منتدى مهجور
ثالثا : نداااااااااااااء
كل واحد يعرف حد على المتندى وبيكلمه يقوله ونرجع تانى بجد كان اول منتدى اشترك فيه واحس انى مع اخواتى واصحابى بجد على اد ان فى ناس مش شوفتها على الحقيقة بس لما كنت بكلمها كنت بحس انى اعرفها شخصيا
وبكدة نبقى نرجع المنتدى من تانىىىى ونرجع لايام زماااااان
انا مكتبتش هنا من زمان بس فيه سؤال محيرني ولما قعدت افكر فيه كتير ملقتش غير هنا عشان اكتبه من اخر مره روحت فيها الملاهي (دريم بارك)لو تفتكرو كنت بقول ايه وجه الاستفاده من الالعاب الخطره دي؟ يعني احنا بنستفاد ايه؟ يعني الناس اللي بتركبها بيكون ايه شعورها وسط مخها؟ محتاره بس انا امبارح روحت السندباد ورغم ان كل الاسئله دي كانت دايما بتدور في عقلي الا اني ركبت كل الالعاب اللي هناك وطول الليل حاسه اني عظامي وعضلاتي لكلها بترقص مع الطلوع والنزول داخل اللعبه واقوم من النوم واقول ياااااااااااااه الحمد لله كان حلم بس انا هنا في البيت ههههههههههههههههههههههههههه المهم انه كان يوم لطيف
اميرة الحنين والاحساس مراقب
عدد الرسائل : 1908 العمر : 35 تاريخ التسجيل : 04/11/2007
روحت مع المدرسة رحلة كانت للسندباد وبما ان بابا مدرس فطلع مشرف المهم كان فى هناك لعبه الى بتاعت السجادة تطلعى لحد فوق وبعدها تحطى السجادة وتنزلى
المهم طالوعنا انا واختى التؤام اول ناس وكنا وقتها فى خمسة ابتدائى يععنى حوالى 10 سنين المهم طلعين والطلبة طلعين ورانا وقفنا فى نص او تلت اربع الطريق ومستحيل نطلع زيادة عن كدة وماما وبابا تحت فاكرين جرلنا حاجة بس احنا وقفنا عشان مش قدرين نكمل خايقين جدا جدا وكل مانبص تحت نخاف اكتر لدرجة اننا عياطنا من حسن الحظ كان زميل بابا فوق طلع قبلنا وكدة عشان يساعد العيال وكدة
نزل واخد واحدة وحداة مننا لحد ما طلعنا فوق وحطيت السجادة المفروض انى مش المس البتعه وانا لمستها اتكهربت هههههههههههههه
وكان حته يوم تحفة امى طبعا كانت بتموت علينا وهى تحت وكل ماافتكر افضل اتضحك ضحك
وكان موقف برضة فى بيت الرعب كانت برضة بتع المدرسة بس كا وندر لند اول ماطلعت دخلت انا واختى فى عربية واحدة
المهم الى حصل اننا اعدين ودماغنا على رجلينا وميتين من الخوف بس برضة كان يوم تحف كل مااافتكره اضحك
فانا فالحاجت المرعوبة ببقى حاجة مضحكة جدااااااااااا
خلتنى اضحك واتذكر الحاجت دىىىىىىى
بس قوليلىىىىىى السجادة موجودة ولالا اعتقد فى يوم بس من فترة كانت موجودة كنا معدين من ادمها بس قوليلى موجودة ولالا؟؟؟؟؟؟؟؟؟؟؟؟
nour el hoda مشرفة
عدد الرسائل : 2588 العمر : 37 تاريخ التسجيل : 28/03/2007