طيب يا جماعه بما ان الواحد اعصابه بايظه وانا عمال مستني النتيجه كده اقلكم على اللي حصل امبارح في المحاضره
قبل الدكتوره ما تبتدي شرح قالتلنا ان فيه guest speaker جاي لينا عشان فيه ندوه وكده المهم خلصنا المحاضره وجيه ال guest speaker وطلعوا اتنين من الهيئه العامه للاستعلامات ومعيد من الكليه. جميل؟؟ ابتدت الندوه وكان الموضوع عن المشروعات الصغيره لشباب الخريجين باعتبار اننا كلها 3 شهور ونخلص ان شاء الله وانا كنت حاسس ان الدنيا ممله اوي كده مش عشان الموضوع ممل لا عشان هم مش عارفين يديروا الندوه بشكل شيق وعمال بقه أتـــــــــاوب واربع ايدي شويه واحط رجل على رجل شويه والعب شويه بالقلم شويه في الموبايل وأرسم بقه في كائنات فضائيه كده زي القمر ونمت شويه على كتف حجاج وهما عمالين يتكلموا وقال ايه مشروع مش عارف ايه عيش غراب واللي تقولك ادوات كهربيه ايه وحسيت ان مش انا بس اللي مليت لا بصيت على السكشن لقيت كله بيعمل كده هــــــــــــاوم
وحتى جاءت فرصتي لكسر هذا الملل هوندا يتحدى الملل ههههه لما قالت الاستاذه اللي كانت بتتكلم يا شباب عايزين نشوف افكاركم وكده طبعا الكل بلم وتنح وتيس واخوكم طبعا عشان مسحوب من لسانه رفعت ايدي بسرعه دون تردد فرحت جدا الست والله وقالتلي قول مشروعك يا حبيبي الناس كلها سكتت تماما ولحظات من الصمت الرهيب لحد ما رديت وقلت: "حضرتك انا مشروعى اني افتح محل بلاي ستاشن 3 " وبس لقيت السكشن كله فطسان من الضحك والمعيد مسخسخ والست تنحت تماما وتقريبا افتكرتني بهزر والمعيد يقولي بلاي ستاشن اقله لو سمحت بلاي ستاشن 3 مش 2. في فرق حضرتك ههههههه وقعدوا يسكتوا في الناس كتير عشان اكمل وفي الواقع ان كنت بتكلم جد جدا وابتديت اشرح للناس وجهه نظري واتكلم عن دراسه الجدوى بتاعته وان المشروع مربح جدا جدا والعائد بتاعه هيغطى تكاليفه اضعاف اضعاف ورحت باصص للناس في السكشن وقلتلهم عارف ان طبعا البنات هايقولوا ايه لعب العيال ده وانت بتهرج وبتاع اقعد يا عم - عايز اشد انتباه الناس كلها - لقيت الناس ابتدت فعلا تسمع وابتدت تنتبه ليا واتكلمت عن اسعار التلفزيونات والبلاي ستاشن نفسه والايجار بتاع المحل والمكان نفسه ولو كنت هابقى لوحدي ولا حد هيشاركني يعني عن دراسه الجدوى للمشروع ككل
الناس فعلا سمعتنى الحمد لله وكمان لقيت مشاركه منهم لما كنت بسأل على سعر البلاي ستاشن 3 دلوقتي وكده
بس وخلصت كلامى وحسيت فعلا ان الهدوء رجع زي الاول ويمكن اكتر من ضحك هستيري الي انتباه واحترام لوجه نظري
بعد كده الاستاذه اللي كانت موجوده شكرتني جدا والناس صفقتلي هههههه
وبعد المحاضره لقيت ناس من كل صوب وحدب جايين يكلمونى سواء اعرفهم او لا ويقولولي فكرتك حلوه جدا برافو عليك وكده كنت مروح فرحان جدا والله
قولولي رأيكم لو تحبوا في اي حاجه
اميرة الحنين والاحساس مراقب
عدد الرسائل : 1908 العمر : 35 تاريخ التسجيل : 04/11/2007
لتاني مرة بشكر الشخص الي علمني ازاي اتحكم في عصبيتي
النهاردة ماشي في الشارع بالعربية وداخل شارع جانبي ففي عربية نقل سدا الشارع و بتركن
وواحد واقف مستنيها تخلص وانا جيت امت واقف وراه وفي قمة الهدوء و قاعد بسمع اغنية
عم مينا و شيخ امين بتاعت و سط البلد ومستمتع جدا
و الاقي الاخ الي قدامي بيرجع ورا
ازمر ودا بيرجع ازمر ودا بيرجع
لغايت ما سمع مش الزمارة سمع تتتتتتتتتتشششششششششششششششش (خبط فيا) قلت حصل خير و انا عارف ان عربيتي محصلهاش حاجة اينعم هو اكسدامه اتجرح بس مليش دعوة
المهم دا نزل من العربية انا قلت هيقول انا اسف
وانا اصلا كده كده كنت هكبر يعني حصل خير
ال ايه نازل بيزعق و يقولي انت شايفني برجع ازاي مترجعش ساعتها افتكرت الشخص الي بشكره فوق
فضحكت طبعا هو وشه بقي الوان و ابتدي يزعق ويكرر الكلام ومن غير ما انزله و لا حتي اطفي الكاسيت قولتلوا هو مين خبط مين قال انا راجع انت مرجعتش ليه
قلتله هو في حد بيرجع من غير ما يبص وراه اعتقد انك المفروض تقول انا اسف الي بيخبط حد المفروض يعتزرلوا
ودا يزعق و يقولي اعتذر ليه هي عريبتك دي بيحصلها حاجة
طبعا انا هنا كنت خلاص بقي بغلي من جوه وبردو ضحكت و قولتلوا القصة مش قصة عربية انت غلطان وكمان مش عاجبك
المهم قالي انا مش غلطان قولتلوا والله امال انا الي غلطان و هو بيزعق
وطبعا مرديش يعتذر و الناس تقولي معلش و اقولوهم انتوا بتكلموني ليه مشوا هو انا مش عايز منه حاجة ودا يزعق انا راجع دا مرجعش ليه و الناس تضحك
طبعا عايزين تعرفوا انا عملت ايه طبعا انا بفكر و ساكت و دا عمال يزعق الهدوء هداني لتفكرين الاول ارجع بضهري و امشي واسيب حقي و حق عربيتي بس قولت دا قليل الادب لازم اربيه ففكرت في حل تاني تعمل ايه يا زيكو تعمل ايه يا زيكو امت راجع سنه ورا مش عشان امشي لسمح الله لأ وبعدها طلعت سنتين قدام وخبطه تاني بس بدل ما الاكسدام بتاعه كان في خدش بقي مطبق طبعا انا عملت كده و دا اتجنن و قالي انت عملت ايه
طبعا انا قلت الكلمة دي و الناس كلها وقعت علي الارض من الضحك وقولتلوا اصل انا عربيتي دي مش بيحصلها حاجة
لما تحب تمشي بقي امشي وقمت قافل الازاز و بطلت العربية ساعتها كنا وصلنا لاغنية مجنون مجنون و جنوني باختياري هههههههههههههههههههههههههههه وطبعا الناس ركبووا العربية ومشووا
هو جلا من لايسهو عادي الي هو عمله بيحصل بس وحصلي قبل كده بضبط بس الفرق ان انا ساعتها نزلت قولت انا اسف معلش مخدتش بالي و اعترفت اني غلطان
كلمة انا اسف كانت ممكن تحتوي الموقف او مكنش ينزل اصلا لاني انا حتي مطلبطش منه حاجة و لا كلمته بس واحد زي دا قليل الادب و الحمد لله ربيتوا
انا من شهر فات كان رد فعلي هيكون اني هنزل اتخانق معاه لو كان علا صوته وكانت مع كلمة عربيتك دي بيحصلها حاجة كان ممكن اضربه
بس الحمد لله حلوة فكرة التحكم في الاعصاب دي حرية التعليق مكفولة للجميع
amrbooki مشرف
عدد الرسائل : 2513 العمر : 37 Emploi : helwan univ ( accounting تاريخ التسجيل : 28/03/2007