تعالي فضفض ..محدش هيسمعك..

معلش ياجماعة انا بقالي مبخشش على السايت لاني في اصابة جسدية بقالي يومين ربنا ما يوريكم اللي عندي وكنت في المستشفى بكشف واللي خنقني انهارده بجد اني ملحقتش الدكتور اللي قعد مستنيني كتير ياعين امة بسبب ملتقى التوظف بجد حاجة اكثر من رائعة عملاها الجامعة طبعا عبير ياعيني مشركاني كل ده والله ربنا يجزيكي خير يبنتي ..

بس هو الموضوع حلو جداااااا وفكرة رائعة بس هل حد هيفهم اللي نفسي اقولة وافضفضة بجد ولا هتقولو محمود اتجنن ... هل من مستمع جيد ليا ؟؟

انا كنت في صراع كبير جدااا في فترة ما هتقولوا ازاي هقولكم بين اني افيض اكتر بحبي للي بحبها ولا افضل زي ما انا وهي اللي تكتشف محمود اكتر .. بس انا لقيت نفسي بحبها اوي وبجد قررت اني افيض بنفسي واساعها انها تطلع اقصى حب من محمود بس مش عارف انا صح ولا لا مش عارف ..
عارفين ياجماعة انا بحبكم اوي بجد وبجد مش عارف انا من غيرعبير وناهد وهوندا وهند وامل وعثمان وهدير وناهد وحجاج وربيع ونسمة وسارة وانجي وكل الدفعة كنت هعيش الجامعة ديه ازاي انتم تستغربوا لو اني قلتلكم انا مكنتش بنزل الجامعة خالص في اولى وتانية والحمد لله كان ربنا بيوفقني في التقديرات وكانت بتعدي الحمد لله بس بجدالناس ديه حسوني يعني ايه جامعة وعرفوني المشاركة هي ايه بجد والله بجد بحبكم كلم في الله ..
هو يمكن الموضوع ملهوش علاقة ببعض بس بجد حبيت افضفض شوية مع اخواتي ..
محمود New Baset
http://newbaset.googlepages.com/home

سلامتك يا حودة الف سلامة

يتهيالي يا محمود ..

ان الحب مش بالكمية .. يعني يتهيالي( وده من وجهة نظري البحته)
ان اما في حب واما مفيش حب

وانت بتحب بجد

يتهيالي ان الحب مهما زاد هو حب ..

الحب دايما بيزيد .. ولو نقص فثوة (دي حاجة صغيره جدا ) يبقى اختفى

الحب دايما يزيد ..

خليك تلقائي جدا .. واكيد اللي بتحبها فاهمة ان انت بتحبها جدا

ويتهيالي الحل الوحيد انكم تبدلوا الاماكن

وتبقى انت -> هي .. و ..هي-> انت
وتشوف ساعتها

ودلوقتي انت .. بقيت هي:-
انتي عارفه انه بيحبك .. وحبه بيزيد
هل حتبقى محتاجة انك تعرفي ده بجد
ولا تحسسيه انك عرفتي ده من غير ما يقوله او يعبر عنه

ولما تعرف شعورك ساعتها بالضبط .. حتعرف تتحرك صح

مراقب عدد الرسائل : 1818 تاريخ التسجيل : 04/08/2007

اولا الف سلامه عليك يا مديرنا العزيز
ثانيا يارب تكون الفكره بتاعه الموضوع عجبتك بجد
كنت مستنيه تشارك معانا بس مش علشان تقول مشكله علشان تحللنا تعالي فضفض ..محدش هيسمعك.. - صفحة 2 Icon_biggrin

انت تقول اللي انت عاوزه هنا ولا يهمك حتي لو محدش قدر يفيدك تبقي طلعت اللي جواك
ثالثا علي الرغم ان مش مكتوب اسمي تعالي فضفض ..محدش هيسمعك.. - صفحة 2 Icon_biggrin

بس احنا كمان فخورين بمعرفتك
رابعا بقي بالنسبه لمشكلتك انا بيني وبينك مش بفهم في المواضيع دي اوي او تقدر تقول مش بفهم خالص تعالي فضفض ..محدش هيسمعك.. - صفحة 2 Icon_biggrin

خامسا مبروووووووووووووك علي الموقع الشخصي بتاعك طبعا هتلقيني نطه فيه كل شويه
واستني واحتمال اعمل واحد زيه قريب تعالي فضفض ..محدش هيسمعك.. - صفحة 2 Icon_biggrin

*********************
لكي تعيش في هذا العصر
الافضل لك ان تتخلي عن المنطق
لكي لا تصبح العاقل الاوحد في مستنقع المجانين

اقتباس :: لكي تعيش في هذا العصر
الافضل لك ان تتخلي عن المنطق
لكي لا تصبح العاقل الاوحد في مستنقع المجانين

اخيرا لقيت الحل

فكرك ان دة الحل

بالعكس انت لو اخذته

هترجع للاول واكترمنه

وطلما اكيد مش مقتنع بهذا الحل

ودة من راى ياعمرو

والف سلامة عليك يامحمود

هههههههههههههههه

اميرة ..
ممكن
اذا سمحتي يعني .. لو مفيهاش احراج ..
تعيدي اللي قلتيه ..

والله ما فهمت ..

مش بقولك فوق قدراتي العقلية

احساس جميل لما تشوف ماتش مع صحابك حتي لو كانوا بيشجعوا الفريق التاني

لكن الرخامة لما تلاقي ناس انت اصلا متعرفهاش او بالكتير عارف اشكالها قاعدين يشجعوا الفريق التاني براخمة غريبة و قاصدين يدايؤووك ومليون خط تحت كلمة قاصدين وانت اصلا لو قمت و سيبتلهم المكان هيقوموا مش هيكملوا الماتش هما بس قاعدين مجرد رزالة و نفسهم انك تخرج عن شعورك
وخصوصا لما الموضوع يستمر اكتر من ساعة من الرخامة و الرزالة و انت مغلوب

اكيد هتخرج عن شعورك

انك تتمالك نفسك و تمسك اعصابك و انت جواك بتغلي اصلا و نفسك تولع فيهم او بكل بساطة ممكن ترمي كلمة رخمة تسكتهم بيها

س احلي حاجة الصبر

الا ان يجيئ الفرج من ربنا بس مش فرج مرة واحدة لأ اربع مرات

بجد انا اول مرة اعرف اني رخم انا بعد ما جبنا الجول التاني في 3 اولاد قاموا من المكان بيعيطوا بجد من الكلام الرخم الي قولتوا و صحابي قالولي انك فعلا زودتها بس بالاجماع قالوا بردو انهم يستاهلوا

فعلا انا لو مكنتش صبرت و اتسرعت و معرفتش امسك اعصابي في الاول كنت اكيد مش هعرف اخد حقي في الاخر

و الحمد لله خدت حقي بمنتهي الزوق و من غير ما اقل ادبي كل الي قلته مجرد كلام عادي جدا بس الي علي راسوا بطحة حسس عليها
شكرا لواحد ميعرفنيش و يمكن انا مشفتوش غير مرة
بس علمني ازاي اخد حقي من غير ما اغلط او احسس حد اني باخد حقي دا

بجد برافو عليا

لما الصحاب يبقوا بيضحكوا في وش بعض وكل واحد في نفس الوقت شايل من التاني و بيتكلموا مع بعض بس عشان الناس متنعرفش ان في بينهم خلاف او حفاظا علي البريستيج يبقي فعلا وصلوا لطريق مسدود

فعلا كان خميس حافل بالاحداث الغريبة العجيبة كانوا 24 ساعة عدوا عيا اكنهم شهر من كتر الاحداث الي حصلت فيهم

بتفكرني بمؤتمرات القمة العربية ..

مراقب عدد الرسائل : 1818 تاريخ التسجيل : 04/08/2007

شكل يوم الخميس ده كان يوم حافل عند كل الناس
خرجت من البيت الساعه7 صباحا ورجعت الساعه8 مساءا
من الساعه 7-10 صباحا
دخلت في حوار ومناقشه طويله بيني وبين واحده صحبتي وواحده مش عارفنها دخلت كده في الموضوع المهم طلعت من الحوار
(فاقده الثقه في كل الناس)
من الساعه 10-3
استفدت من الوقت ده ان نظام الجماعه في مشروع اسلوب فاشل
ولتاني مره يحصل معايا نفس الشيء
حاجه تقرف
من الساعه 3-5
*شوفت ناس بجد نشيطه جدا حطه في دماغها حاجه وعاوزه توصل ليها وبتعمل لكده
ماشاء الله ربنا يخليكو ياشباب مصر يا اصحاب الفكر والهمم العليا
وربنا يهديكو يا شباب مصر ياللي مش في دماغكو غير الموضه والروشنه والكول والتفاهه
(رجعت نصف الثقه اللي كنت فقدها الصبح)
* وبرده دخلت في رهان علشان اثبت وجهه نظري ورأي
والحمد لله فشلت بالاجماع تعالي فضفض ..محدش هيسمعك.. - صفحة 2 Icon_biggrin

من الساعه 5-8
وده اصعب وقت بقي كان في المواصلات
بعد مركبت الميكروباص الحمد لله بعد نصف ساعه مستنياه
ومشي شويه قامت خناقه بين السواق وراجل
السواق وقف العربيه ومن الشباك اللي جنبي بيتخانق مع الراجل اللي ورايا
وكل واحد فيهم عاوز يطول التاني علشان يضربه وانا طبعا في النصف
سبحان الله فيه ستين شباك وفيه ستين واحد قاعد في العربيه ميتخانقش من الشباك اللي جنبي
يالا الحمد لله طلعت من غير كدمات لاني نزلت تحت الكرسي
السواق علشان يعاقبنا ساب العربيه وقعد علي قهوه يشرب شاي
العربيه كلها حريقه كله بيخانق مع كله وانا اموت في الخناقات
بس انا كنت في هدوووووووووووووء تام
بفكر
ياتري ماما عملت اكل ايه انهرده
ياتري سريري البطانيه مفروده ولا لسه هفردها
والناس خناقه مستمره
وبعدين الحمد لله السواق جه ومشي وخلاص فاضل علي البيت ربع ساعه
العشاء اذنت ياولاد الله الله يخرب بيوتكوا
ركبت وهي المغرب بتاذن وده كله في العربيه
والمغرب راحت عليا حسبي الله ونعم الوكيل
************
شكلي متأثره بمسلسل 24 علشان بحكي اليوم زيهم تعالي فضفض ..محدش هيسمعك.. - صفحة 2 Icon_biggrin

مراقب عدد الرسائل : 1818 تاريخ التسجيل : 04/08/2007

اميره اوعي تكوني زعلانه
سيبك منهم اكتبي اللي انتي عاوزاه
انتي كويسه والله جدا وعندك افكار حلوه
بس فيه ناس ساعات مش بتعرف تكتب علشان تعبر عن اللي عاوزه تقوله بس تتكلم حلو(زيي)
وفيه ناس تكتب حلو بس مش بتعرف تدخل في نقاش بالكلام (زيي برده) عادي
المهم اننا نستفيد حطي في دماغك انك متزعليش من رأي اي حد واتعلمي
طول ماحنا عايشين هنتعلم واللي يعيش من غير ميتعلم يبقي مش كان عايش
قبل متكتبي الرد فكري كده ثانيه في اللي انتي عاوزه تقوليه
وبعدين اكتبي وقبل متعملي ارسل المساهمه اقريه يمكن حرف ناقص اوكده

يوم الجمعة

من احلي ايام حياتي

فعلا ما اروع عمل الخير

اسوأ شيء انك تحس انك مش من هنا
وفي نفس الوقت انت فعلا مش من هناك ..

الاسوأ انك تبقى متأكد انك من النقطة اللي بتفصل هنا عن هناك ..
وهي نقطة وهمية

طيب ملخص كلامك

انك بقيت سراب

النهارده يا جماعه هاقلكم يومى

مبدئيا ده كان خط سيرى:
عجوزه ___ رمسيس ___ كوبري القبه ___ دقى ____ عجوزه
اليوم ابتدا كالتالى:
صحيت بدري عشان اقابل اصحابي في رمسيس
ونروح نحجز كورس الانجلش في معهد القوات المسلحه في كوبري القيه
المهم قابلتهم على خير ورحنا على هناك والشمس كانت جميله ورائعه ومميته
والحمد لله ربنا حبا مصر بشويه عساكر شغالين هناك قمه قمه في الغباوه عشان يكملوا علينا
الدنيا الحمد لله نسبيا رايقه وهم مصرين انهم يدخلوا الناس جزء جزء
وفضلنا ملطوعين شويه حلوين
بعد عناء دخلنا وحجزنا للمستوى الجديد
بعد كده كان لازم نرجع بقه نروح للدقى عشان اصلا النهارده كان عندنا كورس من 3- 7 .
وعقبال ما وصلنا كان لسه فيه وقت فقررنا اننا ناكل
وفعلا رحنا اكلنا وشربنا وظبطنا عشان لسه اليوم محتاج طاقه اكيد
هههههه
ابتدى الكورس وفى البريك كان لازم طبعا نصلى
وانا كنت فرحان اوي انى صليت بالناس
وكنت حاسس براحه كده جميله
خلصنا الكورس على خير الحمد لله بعد 4 ساعات
وبعد كده وصلت صحابى للمترو
وركبت تاكسى ونمت شويه فيه ههههه
ووصلت البيت تعبان جدا
بس صدقونى كنت فرحان ومبسوط اوي اوي
بس معلش مش هاقول ليه بقه
هههههه

المهم انك طلعت ندل كبيراووووووووووووووووووووى

انا اللى قايل لكوا على ميعاد بدء دفع الكورس الجديد وتروح من غير متقولى

على العموم شكراااااا يا صاحبى

وربنا يبسطك كمان وكمان

مراقب عدد الرسائل : 1818 تاريخ التسجيل : 04/08/2007

هههههههههههههههههههه
ربنا يبسطك كمان وكمان يا مهند

ربنا يبسطك يامهند ويبسطنا كلنا

اما انا بقى قومت تعبانة اوى الصبح
وبعد كدة قومت وفطرت وروحت لاختى فى جامعة عين شمس

عشان كان فى حفلة بس والله ما اتفرجت عليها
لانى اصلا مش راحة عشانها
لكن حجتها من البيت

بس وقلبت واحد زميل ابتداثى ومتربى معانا
فى صلة جامدة بين الاهل

وكان بقلى كتير اوى مااعدش معاه
واعدنا وحكينا فى حياتنا من الى عدى منها
وكنت مبسوطة اوى

من كل حاجة مش عارفة ليه
وبعدها وصلنى ومشيت

بس اليوم كان حلو اوى
ومن كتر الفرحة متغدتش كويس

ولا العشاء كلت فيه حلو من كتر الفرحة

لما تعد مع واحد بيرتاح ليك وهو الى طالب منك انه يحكى ليك مشاكلة ويهمة رايك

حاجة حلوة اوى

وفرحت اكتر لما روحت مع اختى الصغيرة بعد ما رجعت بنصف ساة تمرنها
ولقيت المدرب بتاعها الى هى بتحب تدرب معاه
جة وحسيت اد ايه مبسوطة

اصل اختى الصغيرة دى تربيتى وانا ماما
عندها بعد امى طبعا

اد ايه انا كنت مبسوطة واختى التؤام كانت مبسوطة
واختى الصغيرة
ياااااااااااااااااااااة
حلو اوى

الانبساط بس لو يدووووووووووووم

هيبقى بجد حلو اوى

انا عشان فرحنا قولت احكىىىىى

والى بسطنى اوى لما لقيت بابا وماما فرحوا لما عرفوا انى قبلت زميلى دة
واعدت حكيت وكدة وهما فرحانين

[/size]

بمناسبة حفلة جامعة عين شمس ..

اول امبارح او تقريبا من 3 ايام .. كان في حفلة لمنتخب مصر

قبلها بيومين .. كان في حفلة لمحمد نور جامدة اوي ..

بعد حفلة منتخب مصر ب 3 ايام كان في حفلة لمصطفى قمر كبيرة جدا ..

امبارح كان في حفلة كبيرة اوي للكينج محمد منير ..

اخر الشهر في حفلة كبيرة اوي للرائع محمد فؤاد ..

وفي كمان كام يوم ندوة للموضة والجمال مع امينة شلباية ..

اخر الاخبار .. ان جامعة عين شمس جالها منحة من اسبانيا .. لتطوير التعليم في الجامعة العريقة .. وتطوير المعامل ..

(((((((((( الزبون لازم يتدلع .. وان ماكنتش انت تدلعني .. مين حيدلعنيييي ؟؟)))))))

اها
على فكرة كانت اول امبارح
وامبارح محمد منير
يعنى حفلتين فى يومين ورا بعض
اما احناااااا
؟؟؟؟؟؟؟؟؟؟؟؟؟؟؟؟؟؟؟؟

FREEEEEEEEEEEEEEEEEEEZE !!!!

مراقب عدد الرسائل : 1818 تاريخ التسجيل : 04/08/2007

انا كنت نصف مبسوطه
تعرفت علي صديقه جديده من حوالي اسبوع
شخصيه جميله المهم غبت عنها يومين لاقيتها بتسأل عليا وتقولي انا قلقانه عليكي
حاجه حلوه لما تلاقي حد اخذ باله منك ومهتم بيك ميرسي صديقتي العزيزه
الحمد لله نادرا لما اتعرف علي شخصيات ويخيب ظني فيهم مش ذكاء ولافراسه مني
ولكن بحس انه توفيق من عند ربنا (اللهم دمها نعمه)
*********************
كنت مطمأنه علي الجانب العائلي عندي كلهم تمام وبخير
وفجأه وبدون مقدمات ظهر جديد
جدتي مامت بابا تعبت فجأه اول امبارح
الدكتور قال دي تعبانه اوي لازم المستشفي
راحت المستشفي لازم عمليه هو فيه ايه ؟!مش عارفين
اويمكن انا اللي مش فاهمه مش عارفه
خايفه اوي علي بابا وعليها
تيتا وبابا
مرتبطين ببعض بصوره غريبه عمري مشفت زيها
هي في الفتره دي كانت ناسيه كل الناس ماعدا بابا
حتي عمتي مش فاكراها قبل متروح المستشفي
قالت يا ايمان استغرب اوي انها عرفتني وافتكرت اسمي
ربنا يهنيكي يا بنتي في حياتك قالتي كده
ولاني دمعتي قريبه جدا عيط
اااااااااااااااااه
ربنا معاك يابابا ربنا يشفيكي يا تيتا
حاسه اني بقيت اضعف من الاول
شكلي محتاجه حقنه مقويه تانيه
احسن الاولي مفعولها راح
اللهم لك الحمد حتي ترضي
ولك الحمد بعد الرضي
ولك الحمد ابدا ابدا

سلامه جدتك يا ايمان
ربنا يقومها لينا بالسلامه ان شاء الله
انا بقى عندى حكايه عايزه احكيها
بس خليها اخر الاسبوع عشان عايزه روقان

سلامة جدتك يا ايمان
و ان شاء الله تبقي كويسة

الف سلامة على جدتتك

وباذن الله هتبقى احسن